Prénzip Klemens Wenzel von Metternich

De Wikipedia
Va a: navegá, truvá
Lombart ocidental Chest artícul al è scrivüü in Ticinés, ortografía LSI
Flag of Canton of Tessin.svg
Klemens Wenzel von Metternich
Prince Metternich by Lawrence.jpeg
Retrait dal Prinzep Metternich par Sir Thomas Lawrence
Nassuu/uda 15 05 1773
Mort/a 11 06 1859
Vienna, Austria
Nazionalitaa Austria
Educazion Universitaa da Strasbourg
Cugnussüü par Cungress da Vienna, Ministru da Stat, Conservatism
Titol Fürst von Metternich
Creiens religius Catòlich
Cungiügaa cun Baronessa Antoinette Leykam
Cuntesas Melanie Zichy-Ferraris
Fiöi e tusann Richard, Fürst von Metternich
Parent Franz Georg Karl, Graf von Metternich-Winneburg and Countess Beatrix Kagenegg

Ul Prénzip Klemens Wenzel von Metternich (Tudesch: Klemens Wenzel Nepomuk Lothar Fürst [1] von Metternich-Winneburg zu Beilstein), (15 da Magg 1773 - 11 da Giügn 1859) al è stai un politigh Tudesch-Austriagh e òman da stat, vün di püssée impurtant dimplomata da sò era.
Al era una granda figüra int i negoziazzion ch'i ha purtaa al Cungress da Viena e pendent ul medèm, e al è cunsideraa sia un paradigma dal management da la pultítiga da fö, sia una granda figüra int al desenvilüpament da la diplomazzia.
Al è stai vün di primm druvatt dal realism diplomatigh dal sécul di 19, profundament arisaa int al postülaa dal balanzament di pudé.
Von Metternich, per di generazion, al è stai castigaa in tant che örb reazionari. Daspöö la segunda guera mundiala, di stòrigh i ha remarcaa che vüna di prinzipal reson da la sò oposizion a dàgh ul pudé al pövel al era l'aprension che vargot al purtaria a la fin a la dominanza pulítiga del nazionalism Germànigh.

Vita prestina[Mudifega | mudìfica 'l sorgènt]

Metternich al è nassüü in Cublenza. Ul sò padru, Cunt Franz George Karl von Metternich-Winneburge zu Beilstein, al era un diplomata ch’al eva passaa dal servizzi de l’arzvesch da Treviri a chel da la curt da Vienna. La sò madre a l’era la Contessa Maria Beatrice Aloisia von Kageneck.

Al temp dal nassiment da Metternich, e par un zich da temp dapress, ul so padru al era ammbassador d’Austria ai curt de electur Renian, e ul tus al cresseva dabord sota l’inflüenza di ton e idei flurissant int i curt Tudeschi piscininn ch’i restava in la sfera d’inflüenza de l’Ancien Regime.

In 1788, Metternich al sigutava l’Üniversitaa da Strasburgh, ma ul s-ciòpp da la revolüzion Franzesa al ga causava da partí dopu düü agn.

Dopu un lungh segiorn in Inghilterra, Metternich al sa muveva a Vienna. Ul 27 Setembru, al spusava la Cuntessa Eleonore von Kaunitz, vüna di nevud d’un ex Canzelé d’Austria. Chesta relazion al meteva dent int i püssée esaltaa sércuj da la società Viennesa. In Dezembru 1797, al vegniva scernii pai cunt da Vestfalia in tant che representant al Congress da Rastatt, dond al restava finn a l’an 1799.

A Ginée 1801, al vegniva scernii Inviaa d’Austria a l’electur da Saxonia, dond al vagnava cuntatt cunt un bell pò de famèj impurtanti da Rüscia e Polònia. In Novembru 1803, al vegniva numinaa Ambassadur in Berlin.

In Berlin, Metternich al sa fava inscí gradàbal a l’inviaa Frances che Napoleon al domandava ch’al vegniss mandaa a Paris, dond al ciapava residenza in tant che ambassadur in August da 1806.

La sò inflüenza in la pulitega Europeana la cresseva rapidament, e lüü al s’ingrazziava dapartütt a la Curt Francesa e in societaa. Da tüta manera, la guèra la s-ciupava entra Franza e Austria in 1809. Metternich al vegniva arestaa compagn na represaja par l’internament in Hungaria da düü member da l’ammbassada Francesa. Dapress la catüra da Vienna par Napoleon, al vegniva purtaa a la capitala d’Austria sota guarda militara e s-ciangiaa contra i dimlomata Francés.

Al vott da Lüj, Metternich al tuleva ul post dal Johann Philipp Stadion in tant che Ministru da Stat. Al era assent a la cunferenza da pas in Altenburg, quand ca l’imperadur al signava ul Trataa da Schönbrunn, malgraa al füdess stai numinaa Außenminister ul 8 Otobru.

Ministru[Mudifega | mudìfica 'l sorgènt]

Metternich al era pienament conscient che la posizion de l'Austria, reduida al nivell d'una potenza da segond orden dal Trataa da Schönbrunn a l'era vüna da priqual e dificültaa.
La sò prima mission al era da vadagnà temp e separà Napoleon dal Zar da Russia. La pudenza ch'al sumejava al trà a sí a l'era la Franza, l'ültima nemisa de l'Austria, sciben che al füdess determinaa a mia perd la sò libertaa da muvement fasent di grand concession. La requesta de Napoleon per la man de Maria Luisa, Duchessa de Parma la nava ben cui pian dal Metternich, e lü al cumpagnava la prenzessa a Paris ul 13 da Marz, 1810. I concession ch'al eva vadagnaa per l'Austria i era da pòch, però al eva restoraa la sò libertaa da muvement. Metternich al turnava in pressa a Vienna ul 10 d'Otobru, giüst in temp ferm fermà l'azion del partii pro-Rüssia a conclud una lianza e per convenz l'emperadur a sigüutà cun la sò polítiga d'abstension armada.
Cun la guera Franco-Prüssiana apröv, chesta pulítiga la deventava sempru püssée difissila a mantegní cumpletament. Malgraa che Metternich al signass una lianza cun Napoleon ul 14 da Marz 1813, prumettent assistanza militara in return per di cuncession che la Franza a l'era ubrigada a fà, lü al infurmava sübit la Rüssia che i sò trüpp i agiress noma sü la defensiva e al prospetava ul renuvelament da la vegia lianza di pudenz cunservativ.
Quand che Napoleon al vegniva desfai in Rüssia, Metternich al tirava fö l'Austria da la lianza, returnant a la neutralitaa e prest al manuvrava ul sò país vers la posizion d'arbitru d'Europa.
Quand Metternich al visitava Napoleon a Dresda ul 26 da Giügn, al serviva amò in tant che mediadur imparzial tentant a figní sü la guera e restabilí di bonn relazion entra i trè nazion. Da tüta manera, Napoleon al era uramai interessaa noma a ciapà ul cuntroll cumplett d'Austria e Rüssia e al disé: "Sa vedum a Vienna".
Dopu chestu meeting, Metternich al capiva che al era necessari da pruteg l'Austria. In la guera ch'al en sigütava, al vureva vess sigür che ul balanzament di pudé al rüsaress mia tròp in qual-sa-sia direzion, renfurzant ni Rüssia ni Prüssia. Ul curs di evenement al le furzava a consentí la restorazion di Burbon, perõ al ga riessiva da sigürà la creazion d'una cunfederazion Tudesca. Metternich al temperava anca la pagüra d'una ditadüra Rüssa prumuvent ul principi d'azion cuncurdada segund i interess internazionaj. Chestu principi al guvernaress ul sistema pulítich Europé dapress la cagüda da Napoleon.

Ereditaa[Mudifega | mudìfica 'l sorgènt]

Probaivlament, mia d’òman da stat I è staa aprezziaa e inzültaa compagn ul Metternich. D’un custaa, al era riverii in tant che oracul da l’ispirazzion diplumàtega; da l’olt, al era desprezziaa compagn la vera incarnazion da l’oscürantism e opression. La vitòria da la demucrazzía la purtava la segonda opinion a la mòda, tant che ul nomm Metternich al era sinònim d’un sistema int al qual i pudeva dumà recugnòss oposizion senza sentüü. Reazion contra chesta vista la tröva espression int al lavurà da Heinrich Ritter von Srbik. Di tèghnigh da diplomazzía, par esempi, Metternich al era un maestru: i so despacc i era di mudéj da stil diplumàtegh.

Nöd[Mudifega | mudìfica 'l sorgènt]

  1. Fürst al vör dí prenzíp e al é mia un nomm

Bibliografia[Mudifega | mudìfica 'l sorgènt]

  • Palmer, A., Metternich: Councillor of Europe. London: Orion, 1997 ed.
  • Kissinger, H., "A World Restored: Metternich, Castlereagh and the Problems of the Peace 1812-1822". London: Weidenfeld & Nicolson, 1999.
  • Zamoyski, A. (2007) Rites of Peace. The fall of Napoleon & the Congress of Vienna.
  • Encyclopaedia Britannica, Volume 15, Metternich, 1989

Lian da fö[Mudifega | mudìfica 'l sorgènt]

  1. Metternich sü censorship
  2. Fürst von Metternich Vin spümant
  3. Castle Kynžvart (Königswart) in Western Bohemia - La residenza da von Metternich cun di culezion, issa verta al pübligh