Bautzen (bataja)

De Wikipedia

Dòpo de la bataja de Lutzen i Russ del Wittgenstein e i Prussian del Blücher hann continuaa a retiràss finna a quand el Tzar Lissander e 'l re de Prusia gh'haan ordinaa de fermàss a difend Bautzen.

Lor gh'aveven 100.000 òmen, ma el Napleon a gh'era adree cont 115.000 e el gh'aveva anca el Ney minga distant cont alter 85.000.

I leaa se hinn sistemaa in su de ona linea de 10 chilòmeter de front, mentra che l'imperador l'aveva studiaa de tacà de front mandand el Ney a tajagh foeura la ritirada. El 19 de mâgg del 1813 i sò òmen eren in posizion pront per l'atacch che l'è s'ciopaa el dì dòpo a mezzdì.

I Frances pasaven la prima linea de defesa liada e ciapaven el paes de Bautzen, ma el Ney el s'era minga mess in la posizion de tajagh foeura la ritirada aj leaa, de moeud che el 21 la bataja la seguitava e quand che dopodesnaa la Guardia imperial de Napoleon la intervegniva i russ-prusiàn podeven ritiràss.

Napoleon el vinceva la bataja, ma l'era minga riessii a dagh un colp decisiv al nemis grazzia aj eror del Nay.