Battalia de Bautzen (1813)

De Wikipedia
Va a: navegá, truvá
Lumbard ucidental Quest articol chì l'è scritt in milanes, ortografia classega.
La Battalia de Bautzen
Gebhard Leberecht von Blücher a Bautzen

La Battalia de Bautzen l'è stada voeuna di battali di Guerr Napoleonigh.
Dopo de la battalia de Lützen, i Russ del Wittgenstein e i Prussian del Blücher hann segutaa a retiràss fina a qual el zar Lissander I e 'l re de Prussia gh'hann ordinaa a lor de fermàss e de difend Bautzen, in Sassonia.
Lor gh'aveven 100.000 omen, ma el Napoleon el gh'era 'dree con 115.000 soldaa e minga lontan gh'era anca el Ney cont alter 85.000 effettiv.

I Leaa s'hinn miss in sù 'na ligna de des chilometri de front, menter che l'imperador l'eva studiaa de taccà denanz, col mandà el Ney a tajàggh foeura la retirada.
El 19 de magg del 1813 i sò omen eren i posizion, pront per l'attacch; quell lì l'è s'cioppaa el dì dopo a mezzdì.

I Frances hann passaa la prima ligna de difesa e hann ciappaa Bautzen, ma el Ney l'è minga riessii a mettes in d'ona posizion tal de tajàggh foeura la retirada ai nemis, che inscì hann poduu resist anmò. Gh'è voruu la Guardia Imperial de Napoleon per sistemà i robb e fà retirà i Russ e i Prussian.
In quell moeud chì el Napoleon a l'ha vinciuu la battalia, però l'è minga riessii a dàggh on colp decisiv ai nemis, per colpa di error del Ney.