Wikipedia:Proget

De Wikipedia
(Rimandad de Wikipedia:Progett)
Salta a la navigazzion Và a cercà
Lombard Quest articol chì l'è scrivud in lombard, con la Noeuva Ortografia Lombarda

I proget a inn di canton indova che i Wikipedista se meten insema per scriver vos ligade a 'n quaj argoment specifegh, meter in pè i regolle e i indicazzion, havégh di pont de riferiment o fà di mester boni per l'enciclopedia.

Prima che 'l ghe fuss el sistema di Editathon, anca i Editathon eren ciamad Proget, ma incoeu a inn no ciamad inscì.

I proget che gh'è incoeu[modifica 'l sorgent]

Per fà su 'n noeuv proget[modifica 'l sorgent]

Per fà su un noeuv proget, ghe voeuren vuna di do robe, o anca tute e do:

  1. Assee lavorà de fà
  2. Di utent interessad che gh'hann di robe de parlà e catà foeura insema e inn inscì tant o gh'hann assee de dì de havégh besogn de 'n so spazzi

Ghe voeur bonsens in del fà su 'n noeuv proget: per esempi, se te gh'hee un 10 o 15 vos in su che lavorà, lassa stà, ma se inn 50 o 100, va inanz! Se i vos inn poche ma sii in tancc che voeuren lavoràgh o magara a l'è un tema indova che ghe voeur un controll o un ciciarà important, inveci, un proget a l'è 'na bona ideja.

Per sarrà su un proget[modifica 'l sorgent]

Un proget el po vesser sarrad in vari cas, o ben:

  1. Se i reson che hann menad al dervì del proget a inn fornide
  2. Se gh'è pu de utent che poden tegnì in vita el proget
  3. Se 'l proget el serviss a nient

A segonda di cas, la pagina del proget la po vesser scancellada, tegnuda in archivi o tegnuda in atesa che ghe sien di utent interessad.

Come sgiontàss a 'n proget[modifica 'l sorgent]

Gh'è di proget che fann domà de pont de riferiment, per esempi che gh'hann 'na lista de robe de scriver: in del cas a gh'è mia de besogn de sgiontàss in manera ofizziala.

Se 'l proget inveci el gh'ha 'na soa comunità, a l'è ben presentàss e se la gh'è una lista de utent sgiontàss.

Robe conligade[modifica 'l sorgent]