Viadott elicoidal de Brus
El viadott elicoidal de Brus a l'è 'n pont in preja in forma elicoidal in su la ferrovia del Bernina che 'l proeuva a adatàss a l'ambient che 'l gh'è intorna, assee recognossuu 'me element turistegh del Canton Grison e de la Svizzera intrega, oltra che vun di success pussee important in l'architettura de la Ferrovia Retiga.
Faa su in del 1908, paj sò cent agn l'è staa decoraa inscì de parè ona torta de compleann.
Storia[Modifega | modifica 'l sorgent]
Durant de la progettazion de la Ferrovia del Bernina i sò ingegnee voreven adatàss pussee che l'éra possibel a l'ambient natural, e voreven anca evità de fà 'na ferrovia a cremaliera, che l'avaria no sostegnuu i treni merci pussee pesant, inscì de rend la ferrovia nomà paj passegee, e l'era anca bon de servì i località a vall: 'sti necessità han menaa a la costruzion de 'sto viadott.
L'éra necessari appena sotta la stazion de Brus per mantegnì la pendenza denter del massim del 7%, degià che con la pendenza natural el treno el saria deventaa impossibel de controllà in l'andà giò o impossibel de fàj andà su.
In origin l'era programmaa de fà su on tunnel a spiral dent di montagn, ma el terren local l'ha descoraggiaa el scav e l'è staa preferii 'n viadott, che l'è longh 110 meter.
Riferiment[Modifega | modifica 'l sorgent]
Alter progett[Modifega | modifica 'l sorgent]
Wikimedia Commons el gh'ha dent imagin o alter archivi su Viadott elicoidal de Brus
