Vale Stafura

De Wikipedia
(Rimandaa da Vala Stafura)
Jump to navigation Jump to search
Lombard Occidental Quel articul chì l'è scrivüü in Lumbard ucidental, cun l'urtugrafia ünificada.


Panurama de la Val Stafura dal pajis de Trebian

La vale Stafura (valle Staffora in talian) l'è una valada lumbarda indè che ghe passa in mez el turent Stafura (o Stafra, in lumbard penin).

Geografia[Modifega | mudìfica 'l sorgènt]

La val Stafura l'è una valada di mont Penin e la se tröva int l'Ultrepò Paves. La scumencia ai pee del pass del Giuà e la se slarga cun inturen una cadena de mont: el Penes (1460 m s.l.m.), la Culeta (1494 m), el Lesima (1724 m), el Tartagh (1688 m), el Ciap (1700 m), el Garav (1549 m), el Buglej (1492 m). Rivaa a Varz la traversa una zona de culen e la riva zü fina a la pianüra indè che el turent Stafura el va a finì int el Po.

Lenguv[Modifega | mudìfica 'l sorgènt]

Int la bassa vale Stafura se parla di variant del paves-vugheres, che di volt j'hinn classificà 'me lumbard ucidental de passag (presempi da G. Sanga) e di volt 'me emilian-rumagnöl (presempi dal Biondelli). Quel grüp chì el riva sü fina a Varz, che l'è cunsideraa el limit meridiunal di parlad Paves-Vugheres. Andanda püssee in sü se scumencia a truà parlad cun i carateristich ligür, anca se la zona l'è suta l'aministrazion de la Lumbardia.

Cumün de la val[Modifega | mudìfica 'l sorgènt]

Bral de Pregöla, Cecima, Menconich, Punt Nizza, Rivanazzan, Santa Margherita, Val de Nizza, Varz, Vughera, Cervesina.

Per quel che riguarda la südivision aministrativa, la vale la fa part de la Pruincia de Pavia e de la cumünità muntana de l'Ultrepò Paves.