Val Loeuga

De Wikipedia
Jump to navigation Jump to search
Lumbard ucidental Quest articol chì l'è scrivuu in lombard, grafia milanesa.

La Val Loeuga (parnonziaa anca: [val 'loja], [val 'loːgja], [val 'løːdʒa][1]; Val Loga) l'è ona sotta-vall de la Val di Giust, in del comun de Madesen.
La se destacca de la Val di Giust in sù la destra idrografega del pian indè che 'l se troeuva il paes de Montespluga, in sù la riva de mezzanott del laghett artificial con l'istess nomm.
L'è longa cinch chilometri e l'è traversada de la Loeuga. La se troeuva arent al confin con la Svizzera, e tra i mont pussee important a vedom el Tambò e i Scimm de Val Loeuga; quei chì (insemma a la Cresta del Carden) la separen de la Val S'ciusaroeu. Per rivà in de la val Schisaroeu se dev passà la Bocchetta del Ferree (a 2.721 meter), che la mena anca al Ferree. El Giov de la Val Loeuga (2.923 meter) e 'l Giov di Zoccon (2.922 meter) i mena fina a la Val Curciusa, in di Grison.

Not[Modifega | mudìfica 'l sorgènt]

Vos correlaa[Modifega | mudìfica 'l sorgènt]