A sont interessad a dar-g una man a la comunitaa lombarda qe la drœva Wikipedia e la preserva qesta lengua qì. Parli l'italian e'l croat de quand qe sont nassud e sentevi despess el lombard arent a mi dejà qe la mé jent a'l parla fiss e, grazia a qell sit qì hoo anca imprendud a imprender-l: n'hoo imprendud la grafia, i regole gramategale e qe'l lombard a l'è miga domà el mé dialett.
Me sont menad fœra de l'idea domà "campagnœla" de la lengua lombarda propi grazia a Wikipedia e hoo capid qe la pœl vesser doperada anca per vergot de plussee important de qell q'a l'è el voxar adree a truxar i brucits. Hoo tacad a capir l'importanza de parlar e de doperar el lombard quand qe hoo ciapad conscenza de l'importanza dei lengov rejonale e qe la diversitaa qe la g'è a l'è una roba unega e bella fiss qe g'hem qì in Italia. Qinsì hoo anca imprendud a scriver-g polida (ma miga semper insì polida) anca grazia a qi el g'haveva plussee d'esperienza qì.
A sont bon de parlar anca un cicinin d'ingles e de frances e a sont adree a studiar el japones depermì.
A sont interessaa a dàgh ona man a la comunitaa lombarda che la drœuva Wikipedia e la preserva chella lengua chì. Parli l'italian e'l croatt de quand che son nassuu e sentevi despess el lombard arent a mi desgià che la mé sgent el parla fiss e, grazia a chell sit chì, hoo anca imprenduu a imprendel: n'hoo imprenduu la grafia, i regol gramategaj e che'l lombard a l'è mia domà el mé dialett.
Me son menaa fœura de l'idea domà "campagnœula" de la lengua lombarda proppi grazia a Wikipedia e hoo capii che la pœu vess doperada anca per vergott de pussee important de chell ch'a l'è el vosà adree a truzà i bruscitt. Hoo tacaa a capì l'importanza de parlà e doperà el lombard quand che hoo ciapaa coscenza de l'importanza di lengu regionaj e che la diversitaa che la gh'è a l'è ona roba bella fiss che gh'hemm chì in Italia. Chinscì hoo anca imprenduu a scrivegh polida (ma mia sempar inscì polida) anca grazia a chi el gh'haveva pussee d'esperienza chì.
A son bon de parlà anca on cicinin d'ingles e de frances e a sont adree a studià el sgiapones depermì.
A sunt interessaa a dàgh una man a la cumünitaa lumbarda che la dröva Wikipedia e la preserva chella lengua chì. Parli l'italian e'l cruatt de quand che sun nassüü e sentevi despess el lumbard arent a mi desgià che la mé sgent el parla fiss e, grazia a chell sit chì hoo anca imprendüü a imprendel: n'hoo imprendüü la grafia, i regul gramategal e che'l lumbard a l'è mia dumà el mé dialett.
Me sun menaa föra de l'idea dumà "campagnöla" de la lengua lumbarda propi grazia a Wikipedia e hoo capii che la pöl vess duperada anca per vergot de püssee impurtant de chell ch'a l'è el vusà adree a trüsà i brüscitt. Hoo tacaa a capì l'impurtanza de parlà e duperà el lumbard quand che hoo ciapaa cuscienza de l'impurtanza di lengu regiunal e che la diversitaa che la gh'è a l'è una roba bella fiss che gh'hemm chì in Italia. Chinscì hoo anca imprendüü a scrivegh pulida (ma mia sempar inscì pulida) anca grazia a chi el gh'haveva püssee d'esperienza chì.
A sun bón de parlà anca un cicinin d'ingles e de frances e a sunt adree a stüdià el sgiapunes depermì.
De solit drövi l'urtugrafia classega o la scriv lumbard ma sun vegnüü grand adree a vardà i cartej di paes scrivüü cunt i dü öcc insü la ü.
Aveniment impurtant
16 de genar 2023: Me sunt inscrivüü uficialment insö la Wikipedia despö de vègh desquataa che la gh'è anca in lumbard
21 de magg 2023: Hoo faj la mé prima mudifega (ma brüta de grafia), insö la vus "Rübichett"
11 de nuvembar 2024: Hoo faj la mé mudifega quella de cent, insö la vus "Er dul Sgiapón"
