Unità de descaregh (impiant de descaregh)

Quest articol chì l'è scrivuu in lombard, grafia milanesa.

L’unità de descaregh (DU – drainage unit in lengua inglesa) a l’è 'n valór che, de convenzión, el ghe ven assegnàa a ògni apparècc sanitari in d' on impiant de descaregh civil, e 'l servìss de calcolà i portàd massim contemporàni d’ona red de descaregh. I apparècc che descàreghen i pòden vèss de diversa natura (lavabo, bidè, vasca de bagn ecc.) e a ogni tipo de pont de descaregh (o ben a segonda de la quantità d'acqua descaregada d'ògni apparècc) el gh’è assegnàa el sò numer de unità de caregh. Dessorapù, el valor de unità de descaregh, semper per el medésim apparècc el pò vèss divèrs a segonda del tipo de impiant de descaregh segond la classificazzión de la nòrma europea (sistema I, sistema II, sistema III, sistema IV). ^[1]

Apprecc sanitari	Sistema I DU	Sistema II DU	Sistema III DU	Sistema IV DU
Lavabo	0,5	0,3	0,3	0,3
Bidet	0,5	0,3	0,3	0,3
Dòccia	0,6	0,4	0,4	0,4
Vasca de bagn	0,8	0,6	0,6	0,6
WC con cassetta de 4,0 l	minga permetud	1,8	minga permetud	minga permetud
WC con cassetta de 6,0 l	2,0	1,8	1,2-1,7¹	2,0
WC con cassetta de 7,5 l	2,0	1,8	1,4-1,8¹	2,0
WC con cassetta de 9,0 l	2,5	2,0	1,6-2,0¹	2,5
Lavèll de la cusina	0,8	0,6	1,3	0,5
Lavapiattaria	0,8	0,6	0,2	0,5
Lavatris con caregh massim fina a 6 kg	0,8	0,6	0,2	0,5
Lavatris con caregh massim fina a 12 kg	1,5	0,6	1,2	1,0

¹ a segonda del tipo de cassètta

Calcol de la portada di acqui de descaregh[Modifega | modifica 'l sorgent]

La portada di acqui de descaregh la ven calcolada per mèzz de la relazión pratega^[2]

$Qw_{w}=k\cdot {\sqrt {DU}}$

indoe:

DU a hinn i unità de descaregh de l'apparècc o de la colòna de derivazzion che ghe descareghen denter vari aparècc.

k a l’è un coeficient per tegnì in cunt la frequenza de utilizzazión, la qual la dipend de la destinazión d’uso de l’edifizzi:

per utilizzazión intermitténta (offìzzi, abitazión): k=0,5 l ^½ / s ^½

per utilizzazión frequenta (ospedài, scòll, alberghi, ristoránt): k=0,7 l ^½ / s ^½

per utilizzazión assosènn frequenta (bagn publich): k=1,2 l ^½ / s ^½

per i laboratòri: k=1,2 l ^½ / s ^½

Riferiment[Modifega | modifica 'l sorgent]

↑ Matteo Fiori, Fulvio Re Cecconi (2018). Impianti idrico-sanitari, di scarico e di raccolta delle acque nell’edilizia residenziale (in italian). Maggioli editore, 109. ISBN 978-88-916-3100-8.
↑ Matteo Fiori, Fulvio Re Cecconi (2018). Impianti idrico-sanitari, di scarico e di raccolta delle acque nell’edilizia residenziale (in italian). Maggioli editore, 107-108. ISBN 978-88-916-3100-8.

[1] Matteo Fiori, Fulvio Re Cecconi (2018). Impianti idrico-sanitari, di scarico e di raccolta delle acque nell’edilizia residenziale (in italian). Maggioli editore, 109. ISBN 978-88-916-3100-8.

[2] Matteo Fiori, Fulvio Re Cecconi (2018). Impianti idrico-sanitari, di scarico e di raccolta delle acque nell’edilizia residenziale (in italian). Maggioli editore, 107-108. ISBN 978-88-916-3100-8.

[1]

[2]