Tussilago farfara

De Wikipedia

Chest artícol a l'è scricc in Lumbàrt, ortograféa orientàl unificàda.


Tussilago

Classifigazion sientífiga
Regn: Plantae
Division: Magnoliophyta
Clas: Magnoliopsida
Subclassa: Asteridae
Ùrden: Asterales
Famìa: Asteraceae
Sota-famìa: Asteroideae
Stìrpa: Senecioneae
Sota-stìrpa: Tussilagininae
Zèner: Tussilago
Spéce: T. farfara
Nomm binomial
Tussilago farfara
L.

Tussilago farfara l'è 'na spéce de piànta erbàcea che fà part de la famìa botànica de le Asteraceae. L'è l'ünica spéce del zèner Tussilago. L'è 'na spéce uriginària de l'Eurasia, ma l'è deentàda familiàr apò a 'ndel'Amèrica Setentriunàla e Meridiunàla 'ndóche l'è stàda portàda de l'òm per la sò 'mportànsa come piànta medicamentùza.

Descrisiù[Modifega | modifica 'l sorgent]

Fùrma Biològica: G rhiz - Geòfite rizomatùze. Piànte che g'ha 'n gamp töt particolàr che rèsta sóta tèra (ciamàt rizòma), che töcc i agn el trà fò raìs e gamp che düra apéna chèl che sèrf.

L'è 'na piànta erbàcea perène, che de spès la fùrma dei bèi squacc, àlta dei 8 ai 30 ghèi.

La g'ha 'n rizòma urizontàl, quàze biànch e che se spàca facilmènt. De chèsto rizòma part i gambì che pórta i fiùr, pò a lur ciàr ciàr quàze biànch, sènsa ramificasiù, con tàte fuiulìne tacàde al gambì, ormài rüdìde a schìde de culùr 'ntra 'l vért e 'l rós. En sìma al gambì se fùrma 'l fiùr. L'è furmàt de 'n invòlucro cilìndrich e de 'n capulì de culùr zalt bèl vif, de 2÷3 ghèi. El capulì l'è furmàt de fiùr mascc e tubulùs en mès e de fiùr fèmina ligulàcc töt entùren. El fiùr el se sàra de nòt. El fiorés de febrér a bril. El pöl crèser de la pianüra 'nfìna al leèl subalpì, 'nfìna ai 2400 méter.

Tasonomìa[Modifega | modifica 'l sorgent]

Tussilago farfara l'è stàda discriìda del Linèo e püblicàda 'ndèl Species Plantarum 2: 865. 1753.[1]

Sinònim[Modifega | modifica 'l sorgent]

  • Cineraria farfara Bernh.
  • Farfara radiata Gilib.
  • Tussilago alpestris Hegetschw.
  • Tussilago umbertina Borbás[2][3]

Galerìa de fóti[Modifega | modifica 'l sorgent]

Riferimèncc[Modifega | modifica 'l sorgent]

  1. Tussilago farfara en Global Compositae
  2. Tussilago farfara en PlantList
Wikimedia Commons
al gh'a dent roba culegada a: