Treno

De Wikipedia
Va a: navegá, truvá
Lumbard ucidental Quest articol chì l'è scrivuu in lombard, grafia milanesa.
Tren TSR de Trenord.
Tren de sora d'on pont.
Tren de la Ferovia del Bernina che 'l va a Tiràn.
Tren a vapor.

On tren a l'è ona class de veicul che viaggia sora i rodaj. I veicul a hinn faa-sù de vagon. El post in dove on treno el se ferma per fà saltà-su e andà-giò la gent a l'è ciamaa stazion.

I primm tren a doperaven la forza di cavaj per andà e a coreven in su binari de legn putost che de metal: quest chì a vegneven doperà anca in de l'età de mezz. El primm tren ch'andava cont el vapor a l'è staa costruii in Inghilterra in di primm agn del secol XIX.

I tren gh'hann on motor primari (ona locomotiva putost che on'unitaa de motor) e ona o pussee carocc. La locomotiva (la prima caroccia del treno) la tira tucc i alter vagon longh la rodaja.

Di treni paren comè di corier speciaj ch'a poeuden vess guidaa domà in su i rodaj. I tren a vegnen minga doperaa domà per straportà la gent, ma anca per straportà la mercanzia comè el petroli, produu importaa putost che esportaa e alter robb.

Tipp de tren[Mudifega | mudìfica 'l sorgènt]

Tren de mercanzia[Mudifega | mudìfica 'l sorgènt]

I tren de mercanzia a gh'hann i vagon de mercanzia per straportà produu da on post a l'alter. On quaj von di quest a hinn di vagon quattaa (cont on tecc per i mercanzii pussee picinin), menter alter a hinn speciaj inscì ch'a poeuden straportà mercanzii speciaj. A gh'hinn tremoeusgg per la sabbia, el carbon, i mineraj e gl'alter materiaj faa comè la granna, a gh'hinn pianaj per veicul e machinari, a gh'hinn vagon a bott per gli sliquid, a gh'hinn vagon contegnidor per i container e a gh'hinn anca i vagon a botteja per el metall gittaa. Squas tucc i robb ch'a hinn no inscì gross da poeudè minga andà-dent i galeri e andà sota i pont a poeuden vess straportà in su i vagon de mercanzi speciaj.

Tren di passegger[Mudifega | mudìfica 'l sorgènt]

I tren di passegger a gh'hann di vagon ch'a hinn faa su inscì che la gent la poeu intrà e viaggià da ona stazion a l'altra. A gh'hinn minga inscì tropp tren di passegger di longa-distanza in di Staa Unii, ma ghe n'è pussee in Europa e in Asia. La maggior part di vagon gh'hann domà on pian, ma gh'hinn ancà vagon che ne gh'hann duu de pian, comè on quaj tren del servizzi feroviari suburban de Milan o i treni Inter-City finlandes.

I tren di passegger doven cercà de vess i pussee comod possibel. Donca i treni pussee modern a gh'hann pres elettrigh e pont del Wi-Fi per i calcolador, e anda di vagon restorant speciaj per la scenna e 'l refresch. A gh'hinn anca vagon indue poeudè dormì (vagon lecc) per i viagg lungh de nocc.

On quaj tren di passegger svelt che 'l viaggia in su di rodaj speciaj a l'è ciamaa "tren a alta velocità". On quaj d'on di quest anmò pussee velos a l'è el "tren a levitazion magnetiga" che 'l dopera di magnet per sollevà el treno da i binari on cicinin inscì che 'l poeu avegh men attritt.

Equipagg[Mudifega | mudìfica 'l sorgènt]

  • El machinista el gh'ha de vess segur che 'l tren el funziona ben e 'l gh'ha de fal andà pussee velos o pussee pian. Tucc i treni a gh'hann de avegh on machinist su per andà ben.
  • El capo-tren el gh'ha de vess segur che 'l tren el va in su la strada giusta e gh'ha de dì al machinista se 'l fà on quaj error.
  • Domà i treni a vapor gh'hann anca de avegh on foeughist. Luu el gh'ha de vess segur che 'l foeugh che 'l dà potenza al tren a vapor el brusa ben mettend el carbon dent al foeugh.

Alimentazzion[Mudifega | mudìfica 'l sorgènt]

La maggior part di treni hinn tiraa on pes da i locomotiv. Prima del 1900, squas tutt a eren locomotiv a vapor, ma si come quest tipo de motor doperava tropp carburant per quell che 'l funzionava, i motor a vapor hann scomincià a fà post a locomotiv diesel e a locomotiv elettrigh in di agn Trenta. Al dì d'incoeu, la maggior part di locomotiv a hinn locomotiv diesel-elettrigh.

A gh'hinn di treni che gh'hann minga la locomotiva separada dal rest, ma el motor (a gasoli putost che elettrigh) a l'è mettuu in de la prima caroccia istessa, indue la se troeva la cabina del machinista. Quest tipo de caroccia inscì el se ciama "unitaa motor". On quaj tren gh'hann motor ne la maggior part o in tutt i carocc. Quest chì a l'è ciamaa elettrotren (se l'è elettrigh) o autotren (se 'l gh'ha on motor diesel). De solet tutt e dò i estremitaa gh'hann i cabin del machinista. Quest tren chì a hinn doperaa specialment in di grand cittaa indue a l'è pussee alt el traffigh di pendolar.

Fotografii[Mudifega | mudìfica 'l sorgènt]