Tranvia de Dubai

De Wikipedia
Lumbard ucidental Quest articol chì l'è scrivuu in lombard, grafia milanesa.
Tranvia de Dubai
Tipolojia red tranviaria
Stats Emiraa Arab Ünii
Territore Dubai
Vertura 2014
Operador Serco Group
Sit ofiçal www.rta.ae/
Scartament 1'435 mm
N. stazion e fermade 11
Lungeza 10,6 km
Durada del percorid 36 min
Velocitaa media 20 km/h
Passegee l'ann 531'000 (2015)
Traçad
istruzion 

La tranvia de Dubai a l'è ona linia de tram de la città de Dubai, che la conliga Dubai Marina ad Al Sufouh, longa 10,6 km e cont 11 stazion. Du stazion a hinn de scambi cont la metropolitana de Dubai, e vuna cont la monorodaia Palm Jumeirah.

Storia[Modifega | modifica 'l sorgent]

In del 2010 on consorzi internazional el scomincia a lavorà per fà la red, ma se fermen per di difficoltà economich, e la linia 1 a l'è poeu completada in del 2014.

Al di d'incoeu a l'è in progett on slongament de 4 kilometer cont 8 stazion e ona diramazion per Jumeirah.

Gestion[Modifega | modifica 'l sorgent]

Tipica stazion del tram, cont aria condizionada e port de banchina

El servizzi a l'è gestii de la Serco Group e garantii dai 6:30 ai 1:30, foeura del venerdì islamich indova l'è dai 9:00 ai 1:30. El tram el pò rivà a ona frequenza de 6 menut.

A gh'è 80 manetta qualificaa, e prima de fàj guidà i gh'ha de fà l'alcol test.

Material rotabil[Modifega | modifica 'l sorgent]

A hinn doperaa 11 Alstom Citadis longh 44 meter che pòden menà finna 408 passegee a 'na velocità de 50 km/h.

I tram a hinn dividuu in trè class: Gold, Silver e spazzi reservaa a donn e fiolin.

El tram el dopera per la pupart el sistema APS, ona terza rodaia sotta terra che la alimenta el tram senza fil in l'aria.

Hinn dotaa de sistema vigilant che 'l ferma el tram se l'è minga comandaa per 5 segond.

Vos correlaa[Modifega | modifica 'l sorgent]