Tram ATM 7700
 |
Quest articol chì l'è scrivud in lombard, con la Noeuva Ortografia Lombarda |
| Tram ATM 7700 | |
|---|---|
| Tram | |
_ATM_Milano.jpg) | |
| Agn de costruzion | 2022- |
| Agn de esercizi | 2025- |
| Quantitaa produxida | 45 ordenad |
| Costruidor | Stadler Rail |
| Lungeza | 25'400 mm |
| Largeza | 2'400 mm |
| Alteza | 3'685 mm |
| Capacitaa | 66 setad |
| Quota del pian del pestar | 350 mm |
| Scartament | 1'445 mm |
| Diameter rœde | 610 mm |
| Potenza continuativa | 4x105 kW |
| Velocitaa massema omologada | 60 km/h |
| Alimentazion | 600 V CC |
| Daits ciapads da: ATM SpA | |
El tram ATM 7700 a l'è una varietà de Stadler Tramlink in servizzi in su la red di tram de Milan, i prime viture bidirezzionai e a pianal rebassad per intregh a vesser doperade in del sistema: corren in sui linie 7, 9 e 31.
Storia
[Modifega | modifica 'l sorgent]Del fevrer 2019 la Stadler Rail Valencia la vinc la gara ciamada del comun de Milan per fà su cinquantra tram urban e trenta extra-urban bidirezzionai, cont una spesa de circa 172 milion e l'oblegh de crompà 30 viture de media capacità, longhe 25 meter con l'opzzion per alter 50.[1]
El 30 november 2022 la riva la prima vitura in cità, che l'è mituda in di ofizzine ATM Teodos a specià l'autorizazzion a circolà e a masg 2023 se fann i prime corse proeuva in tra la Bicoca e Cinisell Balsom e l'ATM la serniss de crompà i alter cinquanta tram, la mità a gran capacità longhe 35 meter.[1]
El 10 de sginer 2025 l'ANFISA ghe dà el permess a la vitura 7701 de andà in sgir e 'l 30 el comun la slarga a tucc i veicoi de 25 meter in sui trate piazzal Lagosta-vial Fulvi Test-via Anassagora e vial Fulvi Test-Cinisel Balsom.[1]
Del 20 de fevrer el scomincia el servizzi passeger in su 'sti trate chi.[1] De la fin de sginer 2026 l'è doperada anca per la linia 9.[2]
Acident
[Modifega | modifica 'l sorgent]El 27 de fevrer del 2026 un tram de la linia 9 el deralia in viale Vittorio Veneto, arent al deviador con via Lazzaretto, e 'l lassa du mort e cinquataquater ferid.[3]
Carateristeghe tecneghe
[Modifega | modifica 'l sorgent]El modell in question l'è bidirezzional, o ben el gh'ha do gabine de guida e trè porte de tucc e du i lat, roba che la permet de fà inversion senza havégh besogn de l'anell, dent gh'è vintidu post per setàss e quarantaquater strapontit.[1]
Gh'è un sistema de informazzion ai passeger e di porte USB per recaregà i usadei eletronegh.[1]
Riferiment
[Modifega | modifica 'l sorgent]- 1 2 3 4 5 6 Milano accoglie il primo Tramlink: il tram del futuro è realtà
- ↑ Milano, i nuovi tram sono già in strada: debutta il Tramlink bidirezionale. E il 9 (linea simbolo della città) osserva il futuro (arqiviad de l'url orijenal)
- ↑ Milano, tram deraglia e finisce contro un palazzo: due morti e almeno 54 feriti. «È arrivato velocissimo, poi lo schianto». Il conducente: «Mi sono sentito male»
Alter proget
[Modifega | modifica 'l sorgent]
Wikimedia Commons el gh'ha dent imagin o alter archivi su Tram ATM 7700
.svg){kind=logo}