Tomio Okamura
El Tomio Okamura (Tochio, 4 de luj 1972) a l'è on politegh e imprenditor cecch-giappones, fondator di partii Alba de la Democrazia Diretta e Libertà e Democrazia Diretta. A l'è famos per i sò idej euroscettich, anti-Islam e nazionalista.
Biografia[Modifega | modifica 'l sorgent]
Nassuu in del 1972 a Tochio de mamma morava e bobà mità giappones e mità corean, l'è andaa a viv in Cecoslovacchia per la prima voeulta a 6 agn, e l'è staa per on total de 10 agn in Giappon. El parla fluentement donca el cecch, el giappones e l'ingles.
In del 1994 el scomincia el sò business a nivell de informazion alimentar, e l'ha scrivuu di liber in su la politega ceca, l'impresa e 'l sò soeugn cecch.
Carrera politega[Modifega | modifica 'l sorgent]
In del 2012, deventaa famos 'me defensor de la democrazia diretta el se candida al Senad de la Cechia per Zlín e a ottober a l'è elegiuu al ballottagg. 'Me Senator in del febrar 2013 el firma 'na carta per incriminà el President de la Cechia Václav Klaus per volt tradiment dopo avè faa 'n amnistia, richiesta poeu refudada de la Cort Costituzionala.
El nonzia, pocch dopo, de vorè candidàss in di elezion presidenziai del 2013, i primm a suffragi universal. El presenta, per candidàss, 61'500 firm ma el ministeri l'ha nonziaa de podènn validà domà 35'750 firm, e donca a l'è staa esclus di elezion. Semper in del 2013, ai elezion de la Cambra, el sò partii el ciappa 14 scagn.
In del 2015 el fonda Libertà e Democrazia Diretta, partii euroscettich, vun cont pussee iscricc de la Cechia. El se definiss de nazionalità morava.