Tirann
|
Quest articol chì l'è scrivud in lombard, con la Noeuva Ortografia Lombarda |
|
«El sovran che l'è ciamad tirann el cognoss no lesg che 'l so caprizzi»
|
(Voltaire)
|
Un tirann a l'è un governator che 'l dopera el so poder in manera assoluta, senza nissuna limitazzion legala o che l'ha sbatud sgiò un governator legitim. Despess, el termen l'è sociad a 'n governo assee gram e con mesure cative de repression. El termen, de origin grega, l'indicava un sovran vegnud su senza respetà i regole, ma senza una conotazzion grama, l'è stad el Platon el prim a dàghela, a considerì la tirannia una roba deperlee grama e fondada in sul tratà mal i citadin.
Con l'inluminism, el termen l'è tornad in voga e l'è stad doperad per esempi in la deciarazzion de independenza americana, che la cusava i azzion del Re Giorgg de vesser tiranneghe e de mirà a fà su un dispotism assolut.
