Tiara
 |
Quest articol chì l'è scrivud in lombard, con la Noeuva Ortografia Lombarda |
La tiara, ciamada anca triregn, a l'era la corona doperada del Papa de l'età de Mez a la prima mità del secol XX: doperada soratut 'me part de la cerimonia de l'incoronazzion del Papa, l'ha vist di us particolar, per esempi 'me mitria pontificia quand che l'ha celebrad la Divina Liturgia oriental.
La foeusgia l'è quella de un chignoeul, arenta a varie corone del Medi Orient, e in la soa ultima forma l'era fada de trè diadema e con sora un globo crusgifer: poeu gh'era i infule.
L'è stada doperada l'ulrima voeulta del papa Paol VI del 1963, poeu lu l'ha sernid de vendéla e de dàgh i guadagn in beneficenza: fada su de la Scoeula Beat Angelich de Milan, l'è stada crompada del cardinal Francis Joseph Spellman.
La resta doperada in del stema de la Cità del Vatican e de la Santa Sed e, fina ai temp del Benedet XVI, anca in quell personal del Papa: lu l'ha sernid de sostituilla con la mitria.
Riferiment
[Modifega | modifica 'l sorgent]Alter proget
[Modifega | modifica 'l sorgent]
Wikimedia Commons el gh'ha dent imagin o alter archivi su Tiara
