Sudtiroles

De Wikipedia
Lombard Quell articol qì l'è scrivud in Lombard, cond l'ortografia Scriver Lombard.
Distribuzion lenguistega in Sudtirol

I sudtiroles i è la popolazion jermanofona (dialet sudtiroles) de la Provinça autonoma de Bolzan. Segond ol cens del 2011, i g'è in Sudtirol circa 314.000 persone de maderlengua todesca sœ 505.000 abitants, pari a circa i do terz del total. La lengua todesca l'è la plœ dovrada in 102 cumun sœ 116 e l'è lengua ofiçala de la provinça insema a l'italian e al ladin.

Storia[Modifega | modifica 'l sorgent]

La zona in passad l'è staita part de l'Impero Austro-Ungeres, colonizada dal Volt Medioevo da popolazion jermanege (a partir da i Baiuvari); l'è staita daita a l'Italia dopo la prima Guerra Mondiala, a causa de la fraca di Imperi centrai.

Fina al 1918, anc'pò la popolazione jermanofona de Trent l'era significativa (circa ol 3%).

Tentativ de italianizazion[Modifega | modifica 'l sorgent]

Dopo l'anession, sovertœt sota ol fassism, i autoritaa italiane i ha fait di politege de italianizazion forzada, a partir dal cambe del toponem jermaneg Sudtirol con Alto Adige. Tœts i nom e toponem jermaneg i era cambiads con di nom italian, col prontuare scriit da Ettore Tolomei, e l'era proibid insegnar la lengua todesca. Per mìa perder la so cultura, i sudtiroles i organizava di cors clandestin.

Ind i Agn Trenta l'è staita favorida una granda industrializazion de Bolzan, insema con la costruzion di nœv quarter di cà popolare, per ospitar i operare, qe i vegniva per la plœ part da fora (Trentin, Venet, Friol). La popolazion de la citaa l'è passada dai 30.000 del 1919 a 100.000, e insé Bolzan l'è deventada a majoranza italofona.

Ind el 1939 cond un acord intra Italia e Jermania nazista l'è stait ponid un ultimatum ai sudtiroles (e anc'pò ai ladin): o ciapar la citadinanza todesca e indar de là del confin entra la fin de l'ann, o cernir de mantegner la citadinanza italiana. Una volta cernid, la decision l'era definitiva. I partirà circa 75.000 persone, e a la fin de la guerra i ne tornerà adoma 20.000.

Tutela[Modifega | modifica 'l sorgent]

Ind el segond dopoguerra g'è staite di tratative intra Austria e Italia qe i ha portad a l'acordo De Gasperi-Gruber, sœ la tutela de la minoranza jermanofona. L'è stait istituid ol Statud Speçal per la Provinça, insema al bilinguism in quase tœts i ambet.

Riferiments[Modifega | modifica 'l sorgent]