Steven Simoneta

Quest articol chì l'è scrivud in lombard, con la Noeuva Ortografia Lombarda

El Steven Simoneta (Stefano Simonetta in italian; fin XVII secol - Milan, 29 de dicember 1754) a l'è stad un pret e poeta lombard.

Biografia

Teolegh, l'era anca esorcista, anca se in del vessel l'era critegh di superstizzion di paisan in sul Diavol e 'l pensava che 'l facc che la Gesa che andass adree el menava ridicol vers la religion. L'era el curad de la gesa de san Fermo a Milan e l'era anca studios de letere classeghe greghe e latine.

Oeuvera

Cademich trasformad, l'era amis del Carl'Antoni Tanz, che gh'ha lassad di sonit dedicad:

El curat Steven Simonetta l'eva
    on omm de Sant Ambrœus tajaa a la bona;
    d'on cœur content, che semper el rideva,
    e el dava e el riceveva la bandona.
    El parlava savend quell ch'el diseva.
    L'era on omm de consej e de corona;
    vuj dì dabben, ma minga mammalucch:
    e el se podeva dì la fior di zucch.

Di so poesie el Tanz el diseva che "I soeu vers milanes gh'an el sò meret!".

El Simoneta a l'è regordad soratut per i so sonit in su l'elezzion a cardinal de l'Isep Pozzbonell.

Bibliografia

• Ferdinando Fontana. Antologia Meneghina. Bellinzona, Stabilimento Tip. Lit. El. Em. Colombi & C., 1900.