Steampunk

Quest articol chì l'è scrivuu in lombard, grafia milanesa.

El steampunk, o punk vaporegh, l’è on sotta-gender de la sienza de fintaria o de la fintaria speculativa che l’ha gadegnaa fama invers la fin dei agn 1980 e el prenzippi dei agn 1990. A se parla de dei œuver ambientaa ind el passaa, ind el qual i paradigma tenologegh moderen inn suzzeduu pussee prest che ind la storia vera, ancaben ch’i saghen otegnuu per mez de la sienza giamò disponibila in quell’epoca lì – coma, per esempi, dei ordenador de legn e dei avion movuu a vapor. A l’è on stil normalment sozziaa cont el cyberpunk futuristegh e, compagn de cheschì, el gh’ha ona bas de fan compagna, ma spartida.^[1]^[2]

Intanta che la sienza de fintaria moderna la se inspira ai viagg spazziaj e al contatt extraterrester, el stil steampunk l’è marcaa del sò usagg de ona tenologia pusse robusta, compagn di machen a vapor, fabregazzion de legn, ramm e bronz, e l’usagg bondanzios dei ingranagg; coma se el fudess on’esplosion tenologega pre-digital. L’ambientazzion prenzipal de quell gender chì l’è la Revoluzzion industrial, e i sò personagg sovenz gh’hann adoss di vestiment vitorian.

El gender steampunk el pœu vess despiegaa a ona fœugia sempia fiss, cont el mettel a para a la litteradura che la gh’ha daj origen. Impientaa ind on univers de sienza de fintaria faj su de dei autor eminent coma el Jules Verne ind la fin del secol XIX, l’insubiss ona realtaa spazzio-temporal ind la qual la tenologia mecanega a vapor la se sariss evoluda infina a di nivej impossibij – o per el manch improvabij – compagn dei otomobel, avion e infinamai di robott movuu a vapor giamò in quell’epoca lì.^[3]

Referenz

↑ Definição de steampunk. Recuveraa el 6 de outubro de 2012.
↑ Elizabeth Guffey and Kate C Lemay, "Retrofuturism and Steampunk," The Oxford Handbook to Science Fiction, Oxford University Press, 2014, p. 439.
↑ Steampunk artists meld Victorian era, science fiction. Duluth News Tribune (1 de janeiro de 2012). Recuveraa el 6 de março de 2012. “It’s the stuff Jules Verne used to write about, looking at it from the hindsight of the 21st century,”

Ligamm de dent

Ligamm de fœura

Wikimedia Commons el gh'ha dent imagin o alter archivi su steampunk

[1] Definição de steampunk. Recuveraa el 6 de outubro de 2012.

[Kate_C_Lemay_2014,_p._439-2] Elizabeth Guffey and Kate C Lemay, "Retrofuturism and Steampunk," The Oxford Handbook to Science Fiction, Oxford University Press, 2014, p. 439.

[Duluth1-3] Steampunk artists meld Victorian era, science fiction. Duluth News Tribune (1 de janeiro de 2012). Recuveraa el 6 de março de 2012. “It’s the stuff Jules Verne used to write about, looking at it from the hindsight of the 21st century,”

[1]

[2]

[3]