Scricciura
|
Quest articol chì l'è scrivud in lombard, con la Noeuva Ortografia Lombarda |
La scricciura l’è l’azzion de fà su una representazzion del lenguasg uman che la saga de durada. Un sistema de scricciura el dœuvra una serie de simboi e regole per codifegà dei aspet de la lengua parlada, compagn del lessegh e de la sintass. Impunemanca, la lengua scrivuda la pœul anca ciapà di carataristeghe spartide de chelle insubide de la lengua parlada.[1]
La scricciura l’è un’ativitaa cognitiva e sozzial che l’invœulv di prozzess neuropsicologegh e fisegh. El resultad de chest’ativitaa – de norma ciamad ‘test’ – l’è un insema de simboi miss sgiò a man, strasferid intravers di machinari o representad cont el computer. Chi che lensg un test l’è ciamad ‘leccior’;[2] chi ch’en produs vun, ‘scriccior’.
In sgeneral, i sistema de scricciura constituissen minga di lengove nete e s’cete, ma nomà un mez de codifegà un lensguasg per fàll lensger a dei oltre persone, ind una manera che la resista al temp e che la vaga fœura di siront locai.[3][4] Ancaben che minga tute i lengove dœuvren un sistema de scricciura, chelle che le fa pœuden indà a completà e estender i capazzitaa de la lengua parlada cont el fosgià di forme de lensguasg che se spanteghen ind l’ispazzi – compagn de la conrespondenza scrivuda – e se mantegnen ind el temp – per esempi quand ch’inn guarnade via ind i biblioteche.[5] La scricciura la pœul anca havégh l’efet de passà sgiò la cognossenza de una persona a l’oltra, desgià che la permet a la sgent de esternalizà i sò penser ind di forme ch’inn pussee belfà de pensàgh sora, elaborà, reconsiderà e conresger.[6][7][8]
Refarenze
[Modifega | modifica 'l sorgent]- ↑ Harris, Roy (2000). Rethinking Writing. Bloomington: Indiana University Press, 185. ISBN 978-0-253-33776-4.
- ↑ Smith, Dorothy E. (2005). Institutional Ethnography: A Sociology for People. Lanham, MD: Rowman & Littlefield, 105–108. ISBN 978-0-7591-0502-7.
- ↑ Ong, Walter (1982). Orality and Literacy: The Technologizing of the Word. London: Methuen. ISBN 978-0-415-02796-0.
- ↑ Haas, Christina (1996). Writing technology: Studies on the Materiality of Literacy. Mahwah, NJ: L. Erlbaum Associates. ISBN 978-0-8058-1306-7.
- ↑ (2007) "Origins and Forms of Writing", Handbook of Research on Writing: History, Society, School, Individual, Text. L. Erlbaum Associates, 21. ISBN 978-1-135-25111-6.
- ↑ (1994) "Writing as a mode of learning", Landmark Essays: On Writing Across the Curriculum. Routledge. DOI:10.4324/9781003059219. ISBN 978-1-003-05921-9.
- ↑ (2015) Naming What We Know: Threshold Concepts of Writing Studies. Logan: Utah State University Press, 55–56. ISBN 978-0-87421-989-0.
- ↑ Winsor, Dorothy A. (1994). "Invention and Writing in Technical Work: Representing the Object". Written Communication 11 (2): 227–250. DOI:10.1177/0741088394011002003.
Olter proget
[Modifega | modifica 'l sorgent]
Wikiquote el gh'ha dent citazzion de o su scricciura
Wikibooks el gh'ha dent test o manuai in su scricciura
Wikiversità el gh'ha dent risorse su scricciura
Wikimedia Commons el gh'ha dent imagin o alter archivi su scricciura
