Scigognera
 |
Quest articol chì l'è scrivud in lombard, con la Noeuva Ortografia Lombarda |
Scigognera[1][2] (prononzia local: [sigu'ɲɛra]; italian: Cicognara) a l'è vuna di frazzion del comun de Viadana, in provincia de Mantova.
El paes el se troeuva a ovest del center comunal, minga trop lontan de la riva del Pò e in su la strada per rivà a Casalmagior (per la precision, la frazzion de Roncadell).
Scigognera l'è famosa per la soa produzzion industrial de penei e, on temp, di scove de melga. La patrona del paes l'è santa Giulia: in de la soa gesa s'è sposada la scritora Grazia Deledda. Inoltra tra el 1921 e 'l 1932 el curad del paes a l'è stad el don Primo Mazzolari.