Santa Margherita
La Santa Margherita (Antiochia de Pisidia, 275-290) l'è stada ona tosa cristiana, che l'è stada martirizada ai temp de l'imperador Massimian.
L'è venerada 'me santa de la Gesa Catolega e de la Gesa Ortodossa, e l'è regordada el cinch de luj (in del calendari ambrosian) o el vint de luj (per el calendari roman) o el 17 de luj (per i ortodoss).
La vita[Modifega | modifica 'l sorgent]
La soa storia l'è cuntada su de on tal Teotem, che 'l dis de vess staa testimoni de quell che 'l scriv giò.
La Margherita la saria stada la fioeula d'on sacerdott pagan: quand l'è mort la mader, lee l'è stada fidada a ona balia, che la prategava el cristianesem de scondon (serom al temp di persecuzzion del Dioclezzian). Anca lee, donca, l'è stada tirada su 'me cristiana, e quand l'è tornada cà in de sò pader, ghe l'ha ditt. Per 'sta reson l'è stada scasciada via de cà, e l'è tornada a viv in de la soa baila, che l'ha dottada e l'ha mandada foeura a curà el sò rosc de pegor.
On dì che l'era foeura coi pegor, on prefett roman ciamaa Ollari l'ha provaa a tiralla via con lu, ma lee la gh'ha resistii, perchè l'aveva decis de vess vergina in onor de Dio. Alora el prefett l'ha denonziada 'me cristiana e l'ha menada in preson. Lì, dopo vari tribuleri (tra i quai on isconter contra el diavol), l'è stada sgavezzada in del 290, a quindes agn.
Patrona[Modifega | modifica 'l sorgent]
In Lombardia, la Santa Margherita l'è patrona de Albes con Cassan, Brusa, Buspiccol, Cadrezzaa, Caronn e Pertusella, Castelnoeuv de Asola, Cus, Pandin, Premen, Oeus Velaa, oltra che del comun de Meina (in del Noares).