Sant'Antóni Maria Zaccaria

De Wikipedia
Jump to navigation Jump to search
Ludesàn Chel articul chi l'è scrivüd en ludesàn cun urtugrafìa ludesana


Un quáder de Sant'Antoni Zaccaria in del Culégg San Francésch, a Lod

Antóni Maria Zaccaria (Cremuna, 1502Cremuna 5 de lüi 1539) l'è stái un pret cremunés, l'ha fundáa l'Urdin religiùs di Barnabiti, e incö l'é venerád cume sant da la césa católica.

Biugrafia[Mudifega | mudìfica 'l sorgènt]

Antóni Maria Zaccaria l'é nasüd a Cremuna in del 1502, ma la só famiglia la vegneva de Genua. In del 1520 l'é andái a Padua per stüdiá Filusufia e Medicina. Quan che l'é turná a Cremuna, invece de fá el dutùr l'ha cuminciá a fá una strada püsée spiritüal, cun l'aiütt de un Frá Duminicán.

L'é stái cunsacrá prét el 20 de febrár 1529. In del 1530 el s'é trasferìd a Milan e l'é diventá el cunfesùr de la cuntesa Ludovica Torelli, che l'ha aiütád asée.

L'Urdin di Barnabiti l'é stai apruád in del 1533, e in del 1535 Papa Pául III l'ha apruád el prìm Munatster de Angeliche de San Pául.

In del 1539 l'ha vurìd turná a Cremuna, perché l'era malád. Al dopumesdì del 5 de lüi l'é andá in paradìs, asistìd da sò mama e dai sò amìs.

L'é stái fatt Sant da Papa Leon XIII in del 1897. La sò festa l'é propi el 5 de lüi.

Bibliugrafia[Mudifega | mudìfica 'l sorgènt]

  • Antonio Gentili, S. Antonio M. Zaccaria - appunti per una lettuta spirituale degli scritti , Ruma, Edizioni Barnabitiche, 1980.
  • Marcell Landi, La presenza della Summa Theologiae di Tommaso d'Aquino nei primi due Sermoni di Antonio Maria Zaccaria , Barnabiti Studi, 2003.
  • Felice Sala, Il fondatore dei Barnabiti - Sant'Antonio Maria Zaccaria , Turin, SEI, 1943.
  • Francesco Tranquillo Moltedo, Vita di S. Antonio Maria Zaccaria fondatore de' Barnabiti e delle Angeliche, Firenze, Tipografia M. Ricci, 1897.
  • Angelo Montonati, Sant'Antonio Maria Zaccaria (1502-1539), Cinisell, Edizioni San Paolo, 2002. ISBN 88-215-4576-8.

Lìber de Sant'Antoni Zaccaria[Mudifega | mudìfica 'l sorgènt]

  • Antonio Maria Zaccaria, Gli Scritti, Ruma, Edizioni Barnabitiche, 1975.

Ligamm de foeura[Mudifega | mudìfica 'l sorgènt]