San Vigilio (Consés)

De Wikipedia
Jump to navigation Jump to search
Chest artícol a l'è scricc in Lumbàrt Orientàl, ortograféa unificàda Lombard oriental
San Vigilio Val Trompia.JPG

San Vigilio l'è 'na frasiù de presapóch 2200 abitanti del cümü de Consés, en pruvìncia de Brèsa.

L'è sitüàt presapóch a 225 méter sùra 'l leèl del mar e a 'n pér de chilòmetri del cèntro del cümü de Consés[1].

El se tróa a l'embocadüra de la Val Trompia, sö la spónda dèstra de la Mèla. L'è tacàt a la frasiù de Cailìna, (cümü de Vìla Carsìna), 'n mìra a la frasiù de Custùr che la se tróa sö l'ótra spónda del fiöm.

San Vigilio el g'ha fat cümü de per sò cönt zamò a pàrter del 1297 e l'ìa segnàt söi docümèncc del tép col nòm de Sancto Vezilio. La prezènsa de 'n cümü stàbil l'è registràda 'n divèrsi acc del 1300[2], e pò a del estimo visconteo del 1385, che 'l la 'nserés endèla quàdra de Nàe, 'nsèma a Nàe, Lemezàne, Caì e Consés.


L'è stat ünìt al cümü de Consés endèl 1928,

Atrasiù[Modifega | mudìfica 'l sorgènt]

La cizulìna de San Vélgio söl Mut, l'è la céza piö antìca del cümü 'nsèma a chèla de la Piéf de la quàla la dipindìa. Gh'è dei stüdiùs che i pènsa 'nfìna che 'l nùcleo uriginàre el sàpe stàt fàt sö entùren a l'an 500 e che la g'hape uspitàt le relìquie del Sànt Vigilio de Trènt.

La céza parochiàla l'è 'nvéce dedicàda a San Gregorio fàda sö 'ndèi prim agn del 1300, ristrütüràda 'ndel 1632, e a la quàla 'ndei agn 30 del sècol XX gh'è stat zontàt la faciàda modèrna,


Riferimèncc[Modifega | mudìfica 'l sorgènt]

  1. San Vigilio, italia.indettaglio.it. URL consultato il 07-09-2009.
  2. Archivio Ateneo Salò - Catastici dei Comuni bresciani dei secoli XIV e XV

Bibliograf'a[Modifega | mudìfica 'l sorgènt]

  • Carlo Sabatti, San Vigilio nella storia e nell'arte - 1998 - Consés
  • Claudio Fiorini, Concesio - Itinerari di Fede, Arte e Cultura - 2008 - Consés