Ryke Geerd Hamer
El Ryke Geerd Hamer l'è staa on dottor todesch, inventor de la noeuva medesina germanega, ona pratega medega mia recognosuda da la scenza.
Tra l'alter, in Itàlia, l'è famos perchè el sò fioeu, el Dirk, l'è staa coppaa dal Vittorio Emanuele de Savoja.
L'è staa condannaa in d'on poo de paes de l'Europa per abus de la professon medega, razzism e de facc l'è Mort latitant in Norvegia el 2 de luj del 2017.
La soa teoria[Modifega | modifica 'l sorgent]
I teorii del Hamer hinn ritegnuu ciarlatan da la scenza. Per lu, tucc i malatii vegnen da di conflitt minga resolvuu. Donca, se vergun el moeur, l'è colpa soa e di sò parent ch'i gh'hann minga risolvuu el conflitt.
On esempi de "conflitt" l'è quell de la brutura: Per el Hamer, la vegn se el fioeu el pò minga anda foeura dal lecc quand l'era nasuu da pòch.
Per el Hamer, i malati de cancar i gh'han mia de ciapà la morfina.
Antisemitism[Modifega | modifica 'l sorgent]
Per el Hamer, i ebrei cognossen la soa medesina, e la droven da agn per curass tucc i malann, soratutt el cancar. I statistich mostren che l'incidenza del cancar in di ebrei l'è istess a quela di tucc i alter.