Robin Williams

De Wikipedia
Lumbard ucidental Quest articol chì l'è scrivuu in lombard, grafia milanesa.
El Williams in del 2011

El Robin McLaurin Williams (Chicago, Illinois, 21 de luj del 1951Paradise Cay, California, 11 de agost del 2014) l'è staa on comegh e attor american.

Attor de formazion teatral, el gh'ha 'vuu ona granda popolarità a la TV a la fin di Agn Settanta col Mork in Mork & Mindy. De lì in poeu l'è deventaa vun di attor pussee important del cine di Agn Vottanta e Novanta. L'è staa el protagonista de on monton de cine de gran sucess, anca perchè l'era bon sia de fà el comegh che l'attor dramategh.

L'ha vinciuu on Oscar in del 1998, e 'l gh'ha 'vuu quatter nomination. In di ultem agn l'ha recitaa in cine de manch sucess.

A l'è staa trovaa mort soffegaa in de la soa cà in 11 de agost del 2014 e se cred che 'l se sia suicidaa.