Revoluzion de Velluu

De Wikipedia
(Rimandad de Revoluzzion de vellud)
Lumbard ucidental Quest articol chì l'è scrivuu in lombard, grafia milanesa.
Václav Havel cont la bandera de la Cecoslovacchia in piazza

La Revoluzion de Velluu (in lengua ceca sametová revoluce) o Revoluzion tendra (in lengua slovacca nežná revolúcia) a l'è stada la transizion di poder non violenta suceduda in Cecoslovacchia in tra el 17 de november al 29 de dicember 1989 e che l'ha vist i gent volzàss contra del Partii Comunista de la Cecoslovacchia e in favor de on sistema politegh democratich e plural, e l'ha menaa a la fin di 41 agn de poder ininterrot di comunista.

El 17 de november in occasion del regord de l'invasion nazista de la Cecoslovacchia, i student han manifestaa e la Polizia l'ha repress con violenza i manifestazion. El 20 de november i cittadin a hinn andaa massivament in piazza. El 24 de november l'élite comunista la se dimett e 'l 28 de november i comunista nonzien de renonzià al poder e 'l 30 a l'è tolt via de la Costituzion el podè comunista. In di primm dì de dicember hinn tolt via i barrier de fil spinaa a la frontiera con la Germania de l'Ovest e l'Austria.

El 10 de dicember el President Gustáv Husák el nomena el primm governo largament minga comunista e 'l se dimett. El 28 de dicember Alexander Dubček l'è elegiuu President del Parlament Federal Cecoslovacch e 'l 29 Václav Havel l'è elegiuu President de la Cecoslovacchia. In del giugn 1990 a gh'è i primm elezion democratich dal 1948.

Vos corelaa[Modifega | modifica 'l sorgent]