Republega
La Republega, dal latin res pubblica, che 'l voeur dì roba publega, l'è ona forma de governo doperada in de la democrazia reppresentativa o aristocratega. In de la Republega, el podè l'è daa per elezion o nomina, mia per trasmission ereditaria, e l'è mia proprietà privada de quell che 'l ghe l'ha. Donca, l'è in contrapposizion con la monarchia.
Definizzion[Mudifega | mudìfica 'l sorgènt]
|
«Ona motta de gent l'è minga ona republega»
|
|
Tradizzionalment la republega l'è la forma de governo di pais indova el podè l'è del Popol e donca l'è esercitaa da lor o a di sò reppresentant. Donca la republega in teoria la lassa foeura di concett comé la dittadura o la tirannia.
A bon cunt i pont de bas de ona republega hinn:
- Periodicitaa di caregh
- Trasparenza di att del governo
- La responsabilitaa di politegh
- Separazzion di podè
- El Stat de Diritt
- Respett de tucc i idej politegh
- Ugualuanza innanz a la legg
- Possibilitàa per tucc de ciappà part a la politega
Organizzazzion[Mudifega | mudìfica 'l sorgènt]
Gh'hinn trì manèr principal per organizzà ona republega:
- Republega Presidenziala, indova el President l'è no elegiuu del Parlament e l'è capo del governo
- Republega Parlamentara, indova el President el vegn eleggiuu del Parlament ma el gh'ha domà di podè cerimoniai e gh'è on primm minister
- Republega Semipresidenziala, indova el President el gh'ha di podè ma hinn condividuu cont el primm minister
Ona republega la pò vess anca centralista (con o senza di autonomij) o federala
Republega e religion[Mudifega | mudìfica 'l sorgènt]
A bon cunt di moviment republegan hinn nassu per di quistion religios, vist che la pupart di monarchij la gh'ha ona religion de stat. Inscambi, la pupart di republegh l'è laica, anca se gh'hinn di differenz in tra Stat in de la vision de la Religion: Per esempi in Italia la religion l'ha gh'ha on valor positiv recognossuu, inveci in Francia no.
Però gh'hinn anca di repuglegh confessional, ossia di republegh con la religion offizziala. I pussee famos hinn i republegh islamegh 'me l'Iran.