Reoport de Berghem-Oeuri

De Wikipedia
Lombard Quest articol chì l'è scrivud in lombard, con la Noeuva Ortografia Lombarda
El logo del reoport
Mapa del reoport

El Reoport de Berghem-Oeuri (IATA: BGY, ICAO: LIME), ciamad ofizzialament Aeroporto Internazionale Il Caravaggio (Reoport Internazzional "El Carevasg"), cognossud anca cont el nom comercial de Milan Bergamo Airport, l'è on reoport internazzional italian civil e militar sit a Oeuri, aproeuv de Berghem, in Lombardia, ch'el serviss l'area metropolitana de Milan, insema ai reoporcc de Milan-Malpensa e Milan-Linad. L'è vuna de tre bas prinzipal de Ryanair, e l'è dovrad soratut de compagnie aeree de bas cost. In del 2021, 6'467'296 passager inn passad per el reoport.[1]

El reoport l'è sgestid de SACBO, che 'l partegn parzialament al lavoreri SEA – Aeroporti di Milano.[2]

Atrezzadura[Modifega | modifica 'l sorgent]

L'aeroport el gh'ha do piste quatade in asfalt e vun terminal con 25 porte de imbarcazzion, 34 banch de registrazzion e ona zona rivade, conligada diretament con la zona partide. El reoport l'è devert 24 ore tucc i dì.[3]

Pista Direzzion (codes QFU) Longhesa (m) Superfiss Capacidaa (movimencc orar)
Pista prinzipala 10/28 2937 asfalt 26
Pista turistega 12/30 778 asfalt

Straport[Modifega | modifica 'l sorgent]

Aproeuv de l'aeroport gh'è l'autostrada A4 Milan-Venezzia, el se poeul rivà al reoport per i sortide "Berghem" o "Seriad". Gh'hinn tri parcasg quatad e duu parcasg desquatad cont intoren 8000 pos'cc machina in total.[4] Gh'è el servizzi del bus (Linea 1 Aeroporto) che 'l conliga el reoport cont la stazzion de Berghem, sgestid de l'ATB, e tancc servizzi de naveta ch'i conligan el reoport cont i oter citaa e reoporcc lombard.

Referimencc[Modifega | modifica 'l sorgent]

  1. Assaeroporti: https://assaeroporti.com/wp-content/plugins/multipage_xls_reader/pdf_file/2021.pdf
  2. https://web.archive.org/web/20131224115034/http://www.trail.unioncamere.it/scheda_ente.asp?id=307
  3. Milan Bergamo Airport: https://www.milanbergamoairport.it/it/infrastrutture-areoportuali/
  4. Aeroporto.net https://www.aeroporto.net/aeroporto-bergamo-orio-al-serio/parcheggio-aeroporto-bergamo-orio-al-serio/