Referendum in su la permanenza del Regn Unii in de l'Union Europea

De Wikipedia
Lumbard ucidental Quest articol chì l'è scrivuu in lombard, grafia milanesa.
I resultaa
Esempi de scheda per votà

El Referendum in su la permanenza del Regn Unii in de l'Union Europea, ciamaa despess Brexit (da British exit) l'è on referendum faa el 23 de giugn del 2016 indova i cittadin del Regn Unii e de Gibilterra i gh'ha avuu de scernì se restà dent a l'Union Europea o sortì da l'Union. La permanenza del Regn Unii l'è tema de discussion dal 1973, quand che el Regn l'è entraa in de la Comunità Economega Europea.

L'è staa proclamaa dal European Union Referendum Act 2015, e l'è 'l terz referendum ingles e 'l second a tema Europa, quand che el 67% di ingles l'era a favor de stà in de la CEE.

I sostenidor del "Si" han dii che vess dent a l'Union Europea el permett de avègh on marcaa pussee grand, pussee post de lavor e donca on'economija pussee bona. Inscambi, i euroscettegh han dii che on Regn Unii foeura da l'Union el gh'ha pussee sovranità, che 'l pò gestì mej el problema de l'immigrazzion e de vess liber dai regoll e da la burocrazia europea, che lor troeuven eccessiva, oltra a trovà di noeuv trattaa de liber scambi.

Anca se i sondagg daven per vincent el remain, ossia restà in de l'Union, a la fin el resultaa l'è staa a favor de la sortida da l'Union Europea.

Quand che 'l premier ingles David Cameron l'ha descovert el resultaa l'ha daa i sò dimissioni per ottober e l'è staa sostituii de la Theresa May, e l'è scominciada ona campagna per fà de noeuv el referendum. Domà in del sginee del 2020 el premier noeuv Boris Johnson l'ha firmaa l'accord per el retir del Regn Unii de l'Union europea.

A l'istess temp on poo de person, comé 'l Massimo Doris e 'l Beppe Sala, han dii che gh'è la possibilitàa de portà a Milan i aziend che scappen da Londra.

Riferiment legislativ[Modifega | modifica 'l sorgent]

La domanda[Modifega | modifica 'l sorgent]

La prima ideja de domanda la seva:
Inglés: Should the United Kingdom remain a member of the European Union?
Gallés: A ddylai’r Deyrnas Unedig aros yn aelod o’r Undeb Ewropeaidd?
Lombard: Gh'avariel el Regn Unii de restà on member de l'Union Uropeja?
E i respost eren Si o No

Però despoeu la Commission Elettorala l'ha dii de preferì ona domanda pussee diretta e neutra, donca l'è stada cattada foeura:
Inglés: Should the United Kingdom remain a member of the European Union or leave the European Union?
Gallés: A ddylai’r Deyrnas Unedig aros yn aelod o’r Undeb Ewropeaidd neu adael yr Undeb Ewropeaidd?
Lombard: Gh'avariel el Regn Unii de restà on member de l'Union Uropeja o lassà l'Union Uropeja, e i respost seven Lassà l'Union Uropeja e Restà on member

Posizion di Partii[Modifega | modifica 'l sorgent]

Posizion Partii politegh
Si UE Partii de Lianza de l'Irlanda del Nord
Partii Verd Inghilterra e Galles
Irlanda del Nord
Scozia
Partii Laborista
Partii liberal democrategh del Regn Unii
NI21
Plaid Cymru
Partii Nazional Scozzes
Sinn Féin
Partii Socialdemocrategh e Laborista
Partii Unionista del Ulster
Non UE
Partii Unionista Democrategh
Partii Unionista Tradizional
UK Independence Party
Senza posizion Partii Conservator

Inscambi, tucc i Partii del Parlament de Gibilterra seven a favor de rimanè in l'Union.

Resultaa[Modifega | modifica 'l sorgent]

Stat Remain % Leave % Resultaa General
Inghilterra 13 266 996 46,6 15 188 406 53.4 Leave
Scozia 1 661 191 62 1 018 322 38 Remain
Galles 772 347 47,5 854 572 52,5 Leave
Irlanda del Nord 440 437 55,8 349 442 44,2 Remain
Gibilterra 19 322 95,9 823 4,1 Remain
Regn Unii 16 141 241 48,1 17 410 742 51,9 Leave
El resultaa in d'ona barra
Lassà l'UE :
17 410 742 (51,9%)
Restà in l'UE :
16 141 241 (48,1%)

Riferiment[Modifega | modifica 'l sorgent]

Vos corelaa[Modifega | modifica 'l sorgent]