Referendum consultiv del 2017 in Lombardia

De Wikipedia
Va a: navegá, truvá
Lumbard ucidental Quest articol chì l'è scrivuu in lombard, grafia milanesa.

El 22 de ottober del 2017 gh'è staa in Lombardia on referendum consultiv in su la vertura di trattativ cont el governo italian per avègh pussee formi de autonomia, come previst de l'articol 116 de la Costituzion. El referendum, previst de l'articol 52 del Statut Regional, l'è staa faa cont la votazion elettronega.

Storia[Mudifega | mudìfica 'l sorgènt]

El referendum a l'è staa deciduu del Consili Regional cont delibera 17 febrar 2015, n. 638, poeu seguida de la legg regionala n. 3 del 23 febrar 2015, voruda del Movimento 5 Stelle, che l'ha autorizzaa el vot elettronich in di consultazion regionai.

El 29 de magg del 2017 a Cremona, per la Festa de la Lombardia, el Roberto Maroni l'ha firmaa el decrett de indizion offizial. El dì, concordaa cont el president del Veneto Luca Zaia, l'era giamò staa nonziaa a Berghem el 21 de april.

El 13 de giugn el Consili Regional l'ha approvaa 'na mozion in sul defàss se 'l vinc el sì.

Modalità del votà[Mudifega | mudìfica 'l sorgènt]

Per la prima voeulta in Italia se votarà in manera elettronica. El sistema, progettaa de l'azienda olandesa SmartMatic, el preved el doperà di tablet per votà che hinn attivaa del President del Segg cont on interruttor dopo de 'vègh verificaa l'identità de l'elettor e, per privacy, el registra no l'ora esatta del vot per impedì de savè cossa che l'ha votaa on elettor.

I tablet, 24000, sarann lassaa in comodaa d'us ai scoeul, cont on investiment de 23 milion de Euro.

Per sicurezza in circa el numer de segg che corresponden al 5% di elettor ghe sarà la stampa del vot in su la carta, recolt automaticament in d'on urna e poeu scutaa a man per verificà la corrispondenza cont el vot elettronich.

Per votà la sarà minga doperada la tessera elettorala.

Posizion di Partii[Mudifega | mudìfica 'l sorgènt]

La pupart di partii la s'è s'cerada cont el sì. In la maggioranza, la Liga Nord e Forza Italia supporten el sì, anca Fratelli d'Italia - Alleanza Nazionale l'è per el sì, e l'ha auspicaa che la Lombardia la devegna ona Region a Statut Special, anca se la leader nazionala Giorgia Meloni l'ha parlaa contra del referendum.

In l'opposizion, el Moviment 5 Stell l'è per el sì, e l'ha parpognuu la domanda offiziala, in contrast a quella de la Liga che la domandava el Statut Special.

El Partito Democratico a l'è pussee spartii: La pupart di Democratich la considera el referendum inutil, ma la part ligada al Giorgio Gori a l'è per el sì, inveci i part ligaa a di alter personagg a hinn pussee per l'astension.

Foeura del Consili[Mudifega | mudìfica 'l sorgènt]

In tra i Partii foeura del Consili Regional s'hinn s'ceraa differentement.

Pro Lombardia e la sezion lombarda de Fare! hinn per el sì.

Sinistra Italiana l'ha supportaa sia l'astension che el no, inveci el Partii de la Refondazion Comunista l'è per el no.

El Moviment Nazional per la Sovranità a l'è per el sì.

Resultaa[Mudifega | mudìfica 'l sorgènt]

I elettor ciamaa a votà in Lombardia hinn staa 7 897 056, dividii in 9 224 sezion elettoral de 1 523 comun.

I segg elettorai hinn dervii dai ore 7:00 a i 23:00 indela sola giornada de dominega 22 ottober 2017.

Affluenza[Mudifega | mudìfica 'l sorgènt]

Affluenza ore 12:00 ore 19:00 ore 23:00
Flag of Lombardy.svg
Lombardia
11,09% 31,70% 38,26%
Provincia di Bergamo-Stemma.png
Bergem
14,87% 39,75% 47,37%
Provincia di Brescia-Stemma.png
Bressa
12,83% 36,87% 44,14%
Coats of arms of None.svg
Com
11,84% 34,69% 41,64%
Provincia di Cremona-Stemma.png
Cremona
11,98% 33,35% 39,90%
Provincia di Lecco-Stemma.png
Lec
13,75% 37,50% 44,78%
Provincia di Lodi-Stemma.png
Lod
11,93% 32,53 39,39%
Provincia di Mantova-Stemma.png
Mantoa
10,80% 29,64% 35,87%
Provincia di Milano-Stemma.png
Milan
8,64% 25,78% 31,23%
Provincia di Monza e della Brianza-Stemma.png
Monça e Brianza
10,92% 32,73% 39,52%
Provincia di Pavia-Stemma.png
Pavia
10,23% 27,71% 33,55%
Provincia di Sondrio-Stemma.png
Sondri
11,72% 34,41% 42,31%
Provincia di Varese-Stemma.png
Vares
11,14% 33,03% 39,47%

Vot[Mudifega | mudìfica 'l sorgènt]

Opzion de vot Vot %
RISPOSTA AFFERMATIVA Fet 2 869 797 95,29%
RISPOSTA NEGATIVA Fet No 118 668 3,94%
SCHEDA BIANCA 23 165 0,77%
Total 3 011 395 100%


Resultaa del vot per Provincia o Città Metropolitana[Mudifega | mudìfica 'l sorgènt]

Provincia No Scheda Bianca
Provincia di Bergamo-Stemma.png
Bergem
96,30% 3,00% 0,70%
Provincia di Brescia-Stemma.png
Bressa
96,53% 2,84% 0,63%
Coats of arms of None.svg
Com
95,61% 3,60% 0,79%
Provincia di Cremona-Stemma.png
Cremona
95,61% 3,56% 0,83%
Provincia di Lecco-Stemma.png
Lec
95,85% 3,41% 0,73%
Provincia di Lodi-Stemma.png
Lod
95,26% 3,96% 0,78%
Provincia di Mantova-Stemma.png
Mantoa
95,21% 4,03% 0,76%
Provincia di Milano-Stemma.png
Milan
93,67% 5,47% 0,86%
Provincia di Monza e della Brianza-Stemma.png
Monça e Brianza
95,22% 4,01% 0,77%
Provincia di Pavia-Stemma.png
Pavia
94,83% 4,24% 0,92%
Provincia di Sondrio-Stemma.png
Sondri
97,56% 1,84% 0,60%
Provincia di Varese-Stemma.png
Vares
95,55% 3,69% 0,76%

Vos corelaa[Mudifega | mudìfica 'l sorgènt]

Riferiment[Mudifega | mudìfica 'l sorgènt]