Radovan Karadžić
 |
Quest articol chì l'è scrivud in lombard, con la Noeuva Ortografia Lombarda |
El Radovan Karadžić (cirillegh Радован Караџић; Petnjica, 19 sgiugn 1945) a l'è un politegh e criminal de guerra serb-bosniach, president de la Republega Serba de Bosnia e Erzegovina del 1992 al 1996. In 'sto roeul chi l'è stad cusad del tribunal penal internazzional per l'ex Jugoslavia de vari crimen de guerra e contra l'umanità per l'assedi de Sarajevo, el genocidi de Srbrenica e varie azzion de netada etnega e l'è deventad latitant, prima in Bosnia e poeu in Serbia, fina al 2008, quand che l'è ciapad a Belgrad e l'è estradad a l'Aja, indova che l'è condanad a 40 agn prima e a la preson a vita poeu: quand che l'era in Serbia el lavorava 'me dotor alternativ cont un fals nom e 'na barba bella longa.
Oltra che politegh e psichiatra l'era anca poeta, e l'ha dad foeura di liber anca quand che l'era dree a scapà di polee.
Riferiment
[Modifega | modifica 'l sorgent]Alter proget
[Modifega | modifica 'l sorgent]
Wikiquote el gh'ha dent citazzion de o su Radovan Karadžić
Wikimedia Commons el gh'ha dent imagin o alter archivi su Radovan Karadžić
