Pseudocodes

De Wikipedia
Va a: navegá, truvá
Lumbard ucidental Quest articol chì l'è scrivuu in lombard, grafia milanesa.

El pseudocodes l'è, in informadega, ona manera de reppresentà on algoritm alternativ al diagramma de fluss, intermedi in tra la lengua parlada e 'l lenguagg de programmazion.

Gh'è no on pseudocodes standard, ma ogni autor o ogni programmador el dopera el sò. L'è on lenguagg cont ona sintass, ona semantega e di regoll, ma hinn manch strengg de quej d'on lenguagg ver, perchè servissen domà a fà el codes pussee lensgibel che 'l se pò. Di voeult hinn basaa in sul lenguagg doperaa dal programmador.

Esempi[Mudifega | mudìfica 'l sorgènt]

On esempi de software che 'l lensg on dacc e 'l scriv indree a l'utent.

INIZZI
 SCRIV "METT VERGÒTT DENT"
 LENSG A
 SCRIV A
FIN

Che in Python el pò vess scrivuu comé:

a = raw_input("Mett vergòtt dent")
print a

Vedom anca vergott de pussee impegnativ, comé on programma che 'l genera on numer a cas da 1 a 6 e 'l varda se l'è quell scernuu de l'utent:

INIZZI
 IMPORTA RANDOM
 SCRIV "Mett on numer da 1 a 6"
 LENSG num
 K = RANDINT(1,6)
 SE (K == num):
  SCRIV "t'heet vengiuu"
 ALTRIMENT:
  SCRIV "t'heet perduu
FIN

Che in Python l'è:

import random
print("Mett on numer da 1 a 6")
num = input(">")
K = random.randint(1,6)
if k == num:
 print("t'heet vengiuu")
else:
 print("t'heet perduu")