Programa Venera

De Wikipedia
Jump to navigation Jump to search
Chest artícol a l'è scricc in Lumbàrt Orientàl, ortograféa unificàda Lombard oriental


El programa Venera (en ruso Венера, endei paés ucidentài i éra ciamàde Venus, o Venusik) l'ìa 'n progràma de resérca scentìfica soviètich destinàt a l'esplorasiù del pianéta Venere. Le sónde spasiài Venera 3-6 i éra destinàde a ciapà dele mizüre sö l'atmosféra del pianeta e le gh'ìa nisü sistéma de ateràgio e dóca i è nàde a distrügìs sö la superfìce del pianéta dòpo ìga trasmitìt a la Tèra i dàti che le catàa sö entàt che le streeraàa la sò atmosféra. La Venera 7 l'ìa stàda progetàda per rià a aterà sö la superfìce e l'è riàda difàti a fà 'n ateràgio controlàt endel 1970. L'ìa la prìma ólta che 'n machinàre costrüìt de l'òm el riàa a aterà en maniéra controlàda sö la superfìce de 'n óter pianéta. La Venera 9 l'è stàda la prìma sónda a mandà dele 'nsomeànse de Venere e la Venera 13 la prìma a mandà dele 'nsomeànse a culùr. De la 9 a la 14 i è töte riàde a aterà sö Venere e a mandà informasiù scentìfiche sö la cumpuzisiù del söl venüzià.