Prima Giuan Capitel Vün

Quel articul chì l'è scrivüü in Lumbard, cun l'urtugrafia insübrica ünificada.

Prima Giuan

La Parola de'l nost Signur ciapada inscí cuma l'è de'l Növ Testament e vultada adess del test uriginal grech in del nost parlà Insübregh del didincö.

Capitel Vün

¹Chell che l'era del prenzipi, chell che nümm èmm sentii, chell che èmm vedüü cunt i noster öcc, chell che èmm vardaa e i noster man hann tucaa, sü la parola de la vida--²la vita l'era fada cunussüda, e nümm èmm vedüü e testimonium e ve nunzium la vita eterna, la quala l'era cunt el Pader, e l'era fada cunussüda a nümm--³chell che èmm vedüü e sentii: nümm ve 'l nunzium, perchè anca vialter gh'abiuv fradelanzacun nümm. ⁴E nümm scrivum chest coss perchè la sia pièna la nostra letizia.
⁵E chesta l'è la nutizia che nümm hann sentii de Lü e ve nunzium, che Diu l'è lüs, e el gh'è nigün scür in de Lü. ⁶Se nümm disum che gh'èmm fradelanza cun Lü e caminum in del scür, nümm disum büsij e praticum minga la veritaa. ⁷E se nümm caminum in de la lüs, cuma Lü l'è in de la lüs, gh'èmm fradelanza cun vün cun l'alter, e 'l sangh del so fiö Gesü el ne nèta de tütt el pecaa. ⁸Se nümm disum che gh'èmm minga un pecaa, nümm se trèmm matt e la veritaa la gh'è no in de nümm. ⁹Se nümm cunfessum i noster pecaa, Lü l'è fedél e giüst per perdunà i pecaa e netàmm de tüta l'ingiüstizia. ¹⁰Se nümm disum che èmm no pecaa, nümm ghe fèmm un busiard, e la sua parola la gh'è no in de nümm.

Navigaziun

• ← Indree a 2 Peder 3
• Inanz a Capitel Düü →
• A l'indes