Preistòria

Chèst artìcol a l'è scricc in Lombàrd, ortograféa bergamasca del Dücàt.

La preistòria (dal latì præ "prima, inàcc" e historia "stòria") l'è 'l perìodo de la stòria ümàna che (de convensiù) l' vé prima de l'invensiù de la scritüra, che l'indà da sirca 2,5-2,6 miliù de agn fa fina 'l IV milèn a.C. Di ólte ach la protostòria l'è consideràda part de la preistòria.

L'agetìv Préhistorique l'è stàcc dovràt la prima ólta in di agn trènta de l'Otsènt da Paul Tournal, fondatùr de la Commission Archéologique e del müséo de Narbonne.

Datassiù

Per ol prensépe l' se dóvra l'aparissiù di prim arnés de préda lauràcc dai australopitéch in Africa, sirca 2,5 miliù de agn fa.

Per la fì l'è dovràda l'invensiù de la scritüra in del Vesì Oriènt, sirca in del mès del IV milèn a.C. In di ótre zòne del mónd però, la scritüra la ga sarà mia ach per di milègn: chèl perìodo chè de transissiù l'è ciamàt protostòria.

Divisiù

La preistòria l'è dividìda in:

• Età de la Préda
  • Paleolìtich
    • inferiùr
    • de mès
    • söperiùr
  • Mesolìtich
  • Neolìtich
• Età del Ram

In de la protostòria, ma mia in de la preistòria in del significàt piö strécc:

• Età del Bróns
• Età del Fèr