Pont de Crimeja

De Wikipedia
Lombard Quest articol chì l'è scrivud in lombard, con la Noeuva Ortografia Lombarda
El Pont

El Pont de Crimeja (in russ Крымский мост) a l'è un pont, fad su de 'na sezzion stradala e voeuna ferroviaria, che 'l conliga Taman, in del Kraj de Krasnodar, a Kerč', in Crimeja, territori contes in tra la Russia e l'Ucraina.

L'è stad fad su a partì del 2016, e la part stradal l'è stada verta el 15 de masg del 2018, inaugurada del Vladimir Putin, e quella ferroviaria el 23 de dicember 2019. De 'n pont del gener el se parlava del secol quell de vint e 'l governo russ, dopo havé ciapad la penisola, l'ha scernud de fàll su, anca per rinforzà i so posizzion in sul territori. Cont i so 19 km l'è el pont el pussee longh fad su de la Russia e anca el pussee longh in Europa.

El 8 de otover del 2022, in del cors de l'invasion russa de l'Ucraina, un s'ciop el dannegia fiss el pont, che 'l resta in part inutilizabel. I russ parlen de 'n camios bomba e acusen i ucrain, che inveci disen che ghe impoden minga ma celebren l'atach, cont un bollin, di tweet cont di pastizz de parolle, di ingiurie al Putin e 'na banca la nonzia adiritura 'na carta de credit con l'imagin. In l'atach trè persone moeuren.

Riferiment[Modifega | modifica 'l sorgent]

Alter proget[Modifega | modifica 'l sorgent]

Vos corelade[Modifega | modifica 'l sorgent]