Polizzia de frontera (Bosnia e Erzegovina)
 |
Quest articol chì l'è scrivud in lombard, con la Noeuva Ortografia Lombarda |
La Polizzia de frontera (abecee latin: Granična policija BiH, abecee cirillegh: Гранична полиција БиХ) l'è vuna di forze de polizzia nazzionai de la Bosnia e Erzegovina, che la dipend del ministeri de la sigurezza.
Storia
[Modifega | modifica 'l sorgent]El corp a l'è fad su el 9 de fevrer 2000, cont el nom de Servizzi Statal a la Frontera, in bas a una lesg volsuda del Wolfgang Petritsch, volt representant in del Paes e in di mes adree la Presidenza la dà foeura vari decret per l'organizazzion efetiva del corp, che l'è ativad el 6 de sgiugn del 2000.[1]
El process del ciapà dent i competenze a la frontera, che prima eren in man ai entità e ai canton, l'è fornid el 30 de setember 2002, cont el fà su de l'unità de presidi al confin de Strmica.[1]
Cont el fà su del ministeri de la sigurezza del 2004 l'agenzia l'è ciapada dent 'me soa division e 'l 18 de avril 2007 la ciapa el nom de adess e 'l titol de forza de polizzia.[1]
Del 2025 i autorità de la Republika Srpska hann nonziad de volé fà su torna un sò corp de polizzia de frontera, a vedè l'istituzzion de 'n corp nazzional 'me contraria ai acord de Dayton, part de la crisi in tra i serb e i croat-bosgnach del temp.[2][3]
Servizzi
[Modifega | modifica 'l sorgent]La polizzia de frontera la vigila in sul confin nazzional e in sui 83 pass de frontera del paes, 55 per el trafegh internazzional e 28 per quell local: de lee dipenden anca i servizzi de guardia costera in del tochell del Stat che 'l dà sul mar a Neum.[4]
Riferiment
[Modifega | modifica 'l sorgent]- 1 2 3 Sit ofizzial. URL consultad in data 2025-07-23.
- ↑ Serb separatists push for own border police in Bosnian region. URL consultad in data 23 luglio 2025.
- ↑ In controversial move, Bosnia's Serb entity announces separate border police force. URL consultad in data 2025-07-23.
- ↑ Sit ofizzial. URL consultad in data 2025-07-23.
Alter proget
[Modifega | modifica 'l sorgent]
Wikimedia Commons el gh'ha dent imagin o alter archivi su Polizzia de Frontera de la Bosnia e Erzegovina
