Pinochetism

De Wikipedia
Jump to navigation Jump to search
Lumbard ucidental Quest articol chì l'è scrivuu in lombard, grafia milanesa.
Sostenitor del Piñera cont on manifest pro Pinochet

El pinochetism a l'è el moviment politegh de estrema destra fondaa in su la persona de Augusto Pinochet, che l'ha governaa el Cile dal 1973 al 1990, fondaa in sul nazionalism, el conservatorism, el liberism, el militarism e l'anticomunism.

Dopo de la fin del regimm el moviment legaa a Pinochet l'ha taccaa anca a fà on poo de cult de la personalità del General, che durant del regimm militar, a bon cunt, l'esisteva no.

El pinochetism a l'è staa despess sociaa al fassism, ma a bon cunt ghe manchen tucc i element de corporativism e de socializzazion de l'economia ch'han caratterizzaa tucc i regimm fassista.

In la politega cilena[Modifega | mudìfica 'l sorgènt]

Durant del referendum del 1988 per dàgh alter 8 agn de presidenza s'hinn s'ceraa per el sì Avanzada Nacional (AN), Democracia Radical (DR), Gran Frente Cívico de Chile, Partido del Sur (SUR), Partido Democrático de Chile (PADECH), Partido Liberal Demócrata de Chile (PLD), Partido Nacional (PN), Partido Socialdemócrata (PSD), Renovación Nacional (RN), Unión Demócrata Independiente (UDI).

Dopo de la fin del regimm gh'è staa on poo de partii s'ceraa per el Pinochet, per esempi Aliancia y Progreso in del 1990 l'ha candidaa on sò ex minister, ma l'ha ciappaa domà el 28% di vot.

Incoeu gh'è di partii strettament pinochetista, tant 'me l'Azion Pinochetista Unitaria, fondada del nevod del Pinochet e a bon cunt anca di partii de destra classega, 'me quell del president Sebastián Piñera, gh'han dent di esponent che varden cont favor a l'azion del Pinochet.

Riferiment[Modifega | mudìfica 'l sorgènt]

Vos corelaa[Modifega | mudìfica 'l sorgènt]