Piero Collina

De Wikipedia
Sata a-a navegassion Sata a-a serchia
Lumbard ucidental Quest articol chì l'è scrivuu in lombard, grafia milanesa.

El Piero Collina (Comm, 23 de marz del 1910 - Comm, 9 de agost del 1983) l'è staa on poeta e scritor lombard.
L'è consideraa vun di autor pussee important che hann scrivuu in comasch; anzi, per on quaidun (per esempi el Libero Locatelli e 'l Venosto Lucati) el saria staa el primm a scriv in del dialett spettasciaa de la città, cont el scernì de doperà ona grafia pussee vesina a la prononzia local, e cont el bandonà la grafia classega milanesa.
Oltra a scriv on gran numer de poesii, l'ha faa la traduzzion di Spos Promettuu del Manzon, l'ha curaa l'almanacch de la Familia Comasca e l'ha inventaa la figura de Ol Tavà.
La soa oeuvera pussee cognossuda l'è Süi riv del Cösa, publicada des agn dopo la soa mort.

Esempi de poesia[Modifega | mudìfica 'l sorgènt]

I primm stanz de la poesia in quartinn ciamada Il risveglio di Como.

Ma l'è bell, quii bei matinn,
quand cumincia a ris'ciarass
san Tumaas, Brünaa, 'l Bisbin,
'ma l'è bell, guardà d'in bass!

Par de vess in d'un tazzin,
cunt ul boord tüt induraa:
Comm l'è tantu piscinin,
giù 'n del fuund, indurmentaa.
[...]

Bibliografia[Modifega | mudìfica 'l sorgènt]

  • AA. VV. Antologia dei poeti nelle lingue e nei dialetti lombardi, dal Medioevo al XX secolo, Milan, Libri Schweiler, 2006.