Peugeot RCZ

De Wikipedia
Jump to navigation Jump to search
Ludesàn Chel articul chi l'è scrivüd en ludesan cun urtugrafìa ünificada
'Na Peugeot RCZ de culur negher Perla Nera a Riumagiur.

La Peugeot RCZ l'è un'utumobil spurtiva faia custrüì dal 2010 dal prudutur frances Peugeot in de la fabrica 'ustriega de la Magna Steyr de Oberwaltersdorf, visin a Graz.

Urigin[Modifega | mudìfica 'l sorgènt]

La machina l'è staia presentada daprima cume un prutotip ciamad 308 RCZ al Salon de l'utumobil de Francufort dal 2007, e pö l'è 'ndaia in prudüssion cun ben poch cambiament. El mudel definitiu l'è stai mustrad par la prima volta, semper a Francufort, in dal 2009 cun ben poch cambiament.

Le diferense i stan suratüt in de le finidüre d'alümini che prima i erun crumad e in dal scarich dedré, che in dal prutotip l'era a trapessiu central e in de la vetüra da prodüssion le circular dupi spustad in sü la sinistra. El mudel da vend l'ha fai anca debütà un aleton mobil pusteriur cume in sü le Porsche e in sü la TT.

Carateristeghe[Modifega | mudìfica 'l sorgènt]

La furma l'è quela carateristega de le coupé, ma la spinta l'è davanti. A la sò presentassion, la sumijansa con l'Audi TT l'ha fai nass miga poche pulemiche, suratüt tra i tifus de l'Audi.

El müs l'è quel carateristegh de le Peugeot de la sò generassion, cunussid cum "a buca de squalu", mentre l'uriginalità la stà in de le du bande d'alümini in sal tet e in dal cupulin a dupia bula.

Muturisassion[Modifega | mudìfica 'l sorgènt]

La vetüra la pöd es equipagiada sia cun mutur a benzina, sia a gasoli. El mutur a benzina l'è el famus 1.600 THP de prudussion BMW-Peugeot che l'è bele muntad in sü le Mini, dispunibil par la RCZ in du cunfigurassion: quela da 156 cavai, e quela da 200.

El diesel l'è un 2.000 HDi che'l riess a svilüpà 163 cavai cun 340 Nm de copia mutur.

Ligam in sü la red[Modifega | mudìfica 'l sorgènt]