Pescia panera

De Wikipedia
Jump to navigation Jump to search
Lombard Occidental Quel articul chì l'è scrivüü in Lumbard ucidental, cun l'urtugrafia ünificada.


La Panera im del Dezember 2010. Paragun: vardee un puu cuma sumejen piscinit l'om e sass a manca de l'arbur

La Panera (parola Sursilvana rumancia, acentada in sü la segunda silaba, che la vör dì Panera u «Cherdensa del Pan») ghe disen la gent a la pescia pü volta de la Sgüissera. La se tröa in del Cantun Grisun in d'un toch biot de busch suta 'l cumün de Luven in de la Val Lumnezia. In del 1971 l'è stada metüda suta pruteziun de la natüra [1].

Parvensa[Modifega | mudìfica 'l sorgènt]

In del bel mezz de la foto: La Panera
Pè de la Panera

El nom l'ha ciapaa de la furma di ram ch'hin piassaa simetregh inturn al tronc e che la fan sumejà a un cherdensa del pan, ciuè una panera. La pescia l'è chersüda sü finn a 47 Meter[2]. El perimeter del tronc l'è de 5.85 meter, e 'l so diameter 1.80 meter.

L'etaa de la pescia l'è stimaa a 250 agn. Inturn a l'arbur gh'è un camp de giögh cunt un sit de pizzagh sü 'l fögh.

Literadüra[Modifega | mudìfica 'l sorgènt]

  • Michel Brunner: Baumriesen der Schweiz, Werd Verlag AG, 2. Aufl. Zürich 2010, ISBN 3-85932-629-5

Ligam in sü la Red[Modifega | mudìfica 'l sorgènt]

Commons-logo.svg
Wikimedia Commons
al gh'a dent roba culegada a:


Riferiment[Modifega | mudìfica 'l sorgènt]

  1. Infotafel
  2. Zu lang für jede Stube, in: Die Südostschweiz am Sonntag vom 26. Dezember 2010, S. 5
46.7630389.197016