Peghéra (bósch)

De Wikipedia
(Rimandaa da Peghére)
Jump to navigation Jump to search
Chest artícol a l'è scricc in Bergamàsch, ortograféa del Dücat semplificada Lombard oriental


La peghéra l'è ü bósch de montagna che l' ciapa 'l nòm dal Picea abies (in Bergamàsch: Peghér o Peghéra 'n Al Brembana, Paghér o Paghéra 'n Al Seriana o Pighér o Pighéra; en Bresà: Paghér; in Insübregh: Pescia, u Pesc), che l'è öna Gimnosperma de la faméa di Pinaceae, pianta de prim ùrden, ólta cioè fina a 40 - 50 méter.

I peghére i è di bósch che i se tróa tra i 900 e i 1.900 méter. Ol Peghèr l' pöl crès desperlü (de sólèt l' söcét però indi bósch artificiài), öpör 'nsèma a di ótre piante e per ès piö precìs a i quote piö base l' se mèscia sö col Fagus sylvatica col Fraxinus excelsior e col Acer pseudoplatanus, pò piö s'và 'n vólt e piö i latifòie i sparés e i lasa 'l pòst al Pinus sylvestris e al Abies alba.

Ol Picea abies l' ghe ria a crès fina a i 2.300 méter, ma de manimà che s'và 'n quòta gh'è n'è sèmper méno e la peghéra la lasa 'l pòst a ün óter tipo de bósch, ü bósch facc da Larix decidua e Pinus cembra.