Pedro Enríquez de Acevedo

De Wikipedia
Lumbard ucidental Quest articol chì l'è scrivuu in lombard, grafia milanesa.
On litratt del cont de Fuentes.

El Pedro Enríquez de Acevedo y Toledo, cont de Fuentes de Valdepero (Zamora, 18 de settember del 1525 - Milan, 11 de luj del 1610) a l'è staa on general e politegh spagnoeu.

Vita[Modifega | modifica 'l sorgent]

L'era el fioeu del Diego Enríquez y Guzmán, e l'ha ciappaa el cognomm de la miee, l'ultema fioeula di cont de Fuentes.
A l'è staa al servizzi del re Filipp II de Spagna, e l'ha combattuu in Portogall cont el Duca de Alba. In del 1582 el gh'ha 'vuu el comand supremm di armad spagnoeul.
In del 1591 l'è staa mandaa in di Paes Bass, per daggh ona man ai governador spagnoeu del territori. In del 1595-1596 l'è staa lu el governador pro tempore: ma l'era tropp sever, e donca el re l'ha pensaa de sostituill.
El re Filipp III l'ha mandaa in Lombardia, e lainscì l'è deventaa el governador de Milan. Anca lì el s'è faa cognoss per el sò vess sever, e l'ha combattuu despess contra i Venezzian. In del 1605 l'ha faa mett in pee a Colegh, al confin con la Valtolina grisona, on fort che ancamò adess (anca se l'è in ruvina) l'è cognossuu comè "fort de Fuentes", per preparà la guerra che la saria s'cioppada in del 1620, des agn dopo la soa mort.

Varda anca[Modifega | modifica 'l sorgent]