Peder Mazzarella

De Wikipedia
Lumbard ucidental Quest articol chì l'è scrivuu in lombard, grafia milanesa.
El Peder Mazzarella in di Agn Dumilla

El Peder Mazzarella (Pietro Mazzarella; Caresana, duu de marz del 1928 - Milan, 25 de ottober del 2013) l'è staa on artista de teater e de cinema, che l'ha recitaa despess in lengua lombarda.

«Indovè l'è finida la gent per ben, quella che la vutta i alter?»
(Peder Mazzarella)

Biografia artistica[Modifega | modifica 'l sorgent]

Nassuu a Caresana (provincia de Vercei) in del marz del Vintott, l'è deventaa famos in di Agn Sessanta dopp d'avè faa on mugg de gavetta, e l'è consideraa de tanti el mester del teater meneghin.
L'ha lavoraa cont el Piccolo Teatro in del spettacol El nost Milan del Giorgio Strehler, interpretanda Peppon, el brumista che l'ha faa foeura l'amant de la sò tosa; l'è staa anca l'interprete principal in L'eredità del Felis.
In del 1963 l'ha vinciuu el Saint Vincent Maschera d'Oro per el spettacol ciamaa El rico de Porta Garibaldi. El nost Milan el gh'ha 'vuu on mugg de sucess ancassì a l'estero (in Francia, per esempi). El Mazzarella l'ha vinciuu incassì el premi San Genesio e 'l premi Obrazov per l'Eredità del Felis, e anca el premi Illica.
A l'ha fai anch el protagonista in d'ona serie televisiva per i fioeu indovè che 'l faseva el Bertoldo.
Mazzarella l'è staa nominaa Meneghino a vita de Gianfranco Crespi, el president del Circol Meneghin e Cecca.