Pat de Torr
 |
Quest articol chì l'è scrivud in lombard, con la Noeuva Ortografia Lombarda |
El pat de Torr a l'è stad un giurament, scrivud in su 'na bergamina, che i vallesan de Bregn e de la Leventina hann firmad in del fevrer 1182 e indova che se prometeven de meter sota assedi el castell de Curteri se el so signor el consegnava minga a l'arcipret del Dom de Milan, e se refudaven de vesser governad de noder e podestà forester e de dàgh servizzi a la fameja feudal.
Con quell pat lì el territori el s'è liberad de tucc i castei: part del moviment di pat in tra comun tipegh de la Lombardia del temp, che l'ha menad al fà su de la Liga Lombarda, gh'è quei che veden un'influenza de 'sto pat e di alter pat lombard in sul pat eterno confederal firmad pussee de cent agn inanz.