Patè d'Animo

De Wikipedia
(Rimandad de Paté d'animo)
Lumbard ucidental Quest articol chì l'è scrivuu in lombard, grafia milanesa.
Patè d'Animo
Album in Studi
Surtii 1991
Gener Rock demenzial
Furmaa CD
Cà discugrafiga Hukapan Records
crunulugia di album de Claudio Bisio
nissun nissun

Patè d'Animo a l'è staa el primm, e al moment ultim, album del còmich e conduttor televisiv Claudio Bisio, in collaborazion cont el Sergio Conforti (var a dì Rocco Tanica, el tasterista di Elio e le Storie Tese), coautor de tutt i sò canzon.

El disch l'è sortii in del 1991, pubblicaa de l'Hukapan Records (l'istessa di Elii) e 'l gh'ha avuu on grand success grazie al singol Rapput, el singol pussee venduu del 1991, denanz a Se stiamo insieme del Riccardo Cocciante (canzon che l'aveva vinciuu el Festival de Sanrem de quell'ann) e a Black and White del Michael Jackson.

On quai de canzon de l'album (Rapput; L'urlo; Alfonso 2000; Germano, i sellini e sua madre; La boutique del formaggio) eren giamò staa presentaa l'ann precedent in del spettacol teatral Aspettando Godo. Alter (compagn de Think che l'è ona cover de la famosa canzon de l'Aretha Franklin; La Droga fa Male e ancamò Rapput) hinn staa ripresentaa in del 2006 duranta el spettacol Coèsi se vi pare, cont i Elio e le Storie Tese.

A l'album hann participaa anca l'Elio, el Cesareo, la Paola Tovaglia e l'Angela Finocchiaro, oltra al Rocco Tanica.

Canzon[Modifega | modifica 'l sorgent]

  1. Sapore di pinne [Il figlio di Rapput] (feat. Angela Finocchiaro)
  2. Alfonso 2000
  3. Guglielma [che vita di melma] (feat. Laura Pone, Rocco Tanica)
  4. La droga fa male (feat. Cesareo e Peev Agliato)
  5. Patè d'animo [Introducing Rapput]
  6. La boutique del formaggio
  7. Rapput [Monte Athos Mix]
  8. Think (feat. Thyl White)
  9. Stachêin Yourself
  10. Essa, Gace; Eddie, Vertente
  11. Le donne di Tunisi [Le donne di Modena] (feat. Rocco Tanica)
  12. Germano, i sellini e sua madre (feat. Elio)
  13. L'urlo
  14. Rapput [live at Zelig]

Introduzion ai canzon[Modifega | modifica 'l sorgent]

  • Sapore di Pinne: continuazion ideal de la canzon Rapput, giamò cognossuda per el singol omònim e presentada in vari spettacoi e apparizion televisiv. In quella canzon chì la gh'è la respòsta de la Giovanna (interpretada de l'Angela Finocchiaro), l'amisa de la morosa del Claudio Bisio. Gh'hinn campionament de canzon come Sapore di Mare de l'Edoardo Vianello e de Questo piccolo grande amore del Claudio Baglione.
  • Alfonso 2000: la canzon la parla de on flipper molto invadent e che 'l tratta maa i giovin che proeuven a doperàll. Vun di quest a la fin el perd la pazienza e le smonta. El moment del smontament l'è ona ciara citazion de ona scena del film 2001: Odissea in del Spazzi del Stanley Kubrick (el moment in del qual l'ultim astronauta restaa viv el smonta el supercomputer HAL). Come in del film, a la fin la se sent la musega de Also spracht Zarathustra del Richard Wagner.
  • Guglielma: descrizion de la trista vita de ona tosanetta cont on nòmm ridicol (Guglielma Bavosa) e de tucc quei che gh'hann di situazion compagn (Gino La Froscia, Clotilde La Vacca, Umberto Cazzoni, Benedetto Schifone, Pia Fisiotera, Gilberto Merda e tanti alter). L'alter protagonista de la canzon, el narrador, ciamaa Fi Gliodiputtana, el voeur portà el sò sostegn moral a la Guglielma, ma a la fin i duu se impicchen per la disperazion (e vegnen trovaa de ona sciora ciamada Brigida Culos). Vegnen donca criticaa sia quei che canten canzon a tosann cont i nòmm facil (Marta, Margherita, Mariù, Lisa) sia i mader che ciamen i pròppi fioeu con nòmm improponibil. A on certo pont la vegn parodiada la vos del cantautor emilian Francesco Guccini.
  • La Droga fa male: parodia di programm de prevenzion contra la dròga, di pregiudizzi che vegnen portaa contra i drogaa (inoltre è stato più che dimostrato che spinello = morte/dapprima vedi gli elefanti blu, poi entri nelle porte), di lòd che vegnen faa vers i metod despess violent de la polizia per contrastà el fenòmen e de l'ipocrisia de la class politega che magara a paròll l'è contra la dròga ma che poeu le dopera.
  • Patè d'animo: introduzion a Rapput.
  • La boutique del formaggio: finta pubblicità de on negòzzi de formagg a Fizzonasch.
  • Rapput: la canzon principal del disch. L'è la stòria de on òmm che per fà feliz la pròppia morosa el ghe dis che l'estaa dòpo la pò andà in Grecia con la soa amisa Giovanna. Quand però lee la torna e la ghe cunta a lù che a la fin de la fera lor dò eren staa domà in sù on'isola voeuia, con domà di pescador, a lù ghe vegnen di sospett perchè:
«Ma che cazzo

tutti quelli che ritornan dalla Grecia
sono stati sopra un'isola deserta
tipo ci ho presente due chilometri di spiaggia vuota
col capanno e i pescatori,
ma contando tutti quelli che mi dicono sta cosa
io mi chiedo quante cazzo di isolacce
deve averci questa merda di una Grecia,
questi pescatori greci non potrebbero
pescare in alto mare ed impiccarsi con le reti,
senza andare a importunare le ragazze come te
che normalmente sono brave ma travolte dagli eventi

non disdegnano di fare la puttana?»
(Rapput)

A bon cunt el dis de perdonàlla, anca se prima el voeur lassàgh adòss i segn del saldador. In de la canzon gh'hinn citazion de canzon del Lucio Battisti, de I Watussi de l'Edoardo Vianello e de Bella Ciao.

  • Think: cover de l'omònima canzon de l'Aretha Franklin, giamò present in del film I Blues Brothers del 1980.
  • Stacheîn yourself: rangiament de on vegg cant popolar de Noeuvi Ligur, de indove el vegn el Bisio.
  • Essa Gace, Eddie Vertente: canzon piscininna che la parla de quanto l'è simpategh e senza cavej el Claudio Bisio.
  • Le donne di Tunisi: parodia de la canzon Le donne di Modena del Francesco Baccini. A l'è cantada cont el Rocco Tanica e l'è presentada come ona registrazion live del 1983, al "Roof Garden del Mac del Cool Bisiou", ma l'è assee improbabil perché 1) in del 1983 Bisio e Tanica se cognosseven nananmò; 2) i crii del pubblich se sent che hinn registraa; 3) el Roof Garden a l'è ona citazion tòlta de Elio Samaga Hukapan Kariyana Turu e 4) la canzon Le donne di Modena l'è del 1990.
  • Germano, i sellini, sua madre: stòria de on òmm fess timid e del sò amis Germano (interpretaa de l'Elio) che 'l voeur portàll a fest, spettacoi teatrai e quant alter. Se senten campionament de la vos del còmich Gino Bramieri e la vegn citada la famosa canzon Viva la Gente.
  • L'urlo: descrizion de la società del dì d'incoeu (o mej, de l'inizzi di agn '90) e de tutt i sò ingiustizzi e contradizion. El protagonista a l'è contra tutt quei ròbb chì, ma quand che 'l vorariss crià al mond la soa rabbia el gh'ha paura, el manda i sò messagg de protesta a bassa vos, e l'unich sò att de rebellion l'è quell de sbatt violentement la fenestra.
  • Rapput (live at Zelig): la version tradizional de Rapput, var a dì con domà la ghitarra.