Pasta cont i magioster
 |
Quest articol chì l'è scrivud in lombard, con la Noeuva Ortografia Lombarda |
| Pasta cont i magioster (PL) Makaron z truskawkami | |
|---|---|
 | |
| Origen | |
| Pòst d'origen |  Polonia |
| Spantegament | nazzional |
| Dettaj | |
| Categoria | dolz |
| Ingredient principaj | pasta, magioster, panera |
| Variant | cont el formai cottage |
La pasta cont i magioster (makaron z truskawkami in polach) a l'è un dolz tipegh de la Polonia, mangiad anca 'me disnà, fad de un piat de pasta con su 'na crema fada cont i magioster e la panera.
El se sa no ben de indova che 'l ven, ma in Polonia ghe n'è tant de piat che doperen i magioster, e se meten anca in di pierogi 'me pien o se fann cont el ris. El se mangia soratut d'estad, vist che la stagion la va de masg a luj e in quell period costen poch e inn propi bone: se doperen soratut quelle casciobe, che inn viste 'me del gust giust.
Vist che despess l'è servida in di mense de scoeula, a l'è vista 'me vun di piat nostalgegh de l'infanzia di polach. Ghe n'è anca una variant cont el formai fresch che la se ciama makaron z serem i z truskawkami, o ben "pasta cont el formai e i magioster".
Riferiment
[Modifega | modifica 'l sorgent]Alter proget
[Modifega | modifica 'l sorgent]
Wikimedia Commons el gh'ha dent imagin o alter archivi su pasta cont i magioster
