Pasquiroeul (Milan)
 |
Quest articol chì l'è scrivud in lombard, con la Noeuva Ortografia Lombarda |
El Pasquiroeul (Pasquirolo in italian) a l'era un quarter de Milan sit in tra el Verzer, la Corsia di Serv, piazza San Babila e piazza Fontana.[1]
Incoeu el nom el resta domà in la geseta del Pasquiroeul, che l'è una parochia ortodossa russa.[1]
Storia
[Modifega | modifica 'l sorgent]El quarter el ciapa el nom del facc de vesser stad un sit pien d'erba indova che se podeva portà i bestie a pascolà, perchè gh'era el spazzi voeud lassad de la demolizzion di Terme Erculee: propi in sui ruvine di terme l'è fada su la geseta.[1]
Vers el '700 la pupart di gese del quarter, foeura de quella del Pasquiroeul, inn desconsacrade.[1]
Cont el pian regolador del 1926 del Piero Portaluppi e del Marco Semenza a l'è mituda in proget la soa demolizzion, insì de fà una gran piazza in tra l'Arcivescovad e 'l Palazz di Sedes Arma: ghe pensarà la guerra a trà sgiò la pupart del quarter e 'l comun el sbatarà sgiò quell che restava, foeura de la Gesa, del Palazz di Sedes Arma e del Palazz Litta Cusini Modignani.[1]
'Sti lavorà chi hann lassad do noeuve strade: el cors Europa e 'l largh Corsia di Serv.[1]
Strutura
[Modifega | modifica 'l sorgent]I strade eren mitude un poo a la rinfusa: i pussee importante eren la via Pasquiroeul, la via Passarella e la via San Zen.[2]
Riferiment
[Modifega | modifica 'l sorgent]- 1 2 3 4 5 6 7 Roberto Arsuffi. it-IT Milano | Centro Storico - Come hanno distrutto il quartiere del Pasquirolo. 2025-02-02. URL consultad in data 2025-02-02.
- ↑ Marco Montella. it-IT Milano | Zona Pasquirolo - Come sono riusciti a trasformare un posto romantico in una mostruosità - Urbanfile Blog. 2014-12-03. URL consultad in data 2025-02-02.
Alter proget
[Modifega | modifica 'l sorgent]
Wikimedia Commons el gh'ha dent imagin o alter archivi su Pasquiroeul
