Palazz di Sedes Arma

De Wikipedia
Lumbard ucidental Quest articol chì l'è scrivuu in lombard, grafia milanesa.
El Palazz

El Palazz di Sedes Arma (pussee de moderni Palazz del Capitani de Giustizia, in italian Palazzo del Capitano di Giustizia) a l'è 'n palazz barocch de Milan, in del Verzee, in tra la piazza Fontana e piazza Beccaria. In del period del governa spagnoeu e poeu austriegh a l'era sed del Capitani de Giustizia, ossia el tutor de l'orden publegh de Milan. Faa su per volontà del Don Gabriel de la Cueva e del Carlo Borromee e progettaa del Peder Antoni Barca, l'era anca sed de 'na galera e del boja, tant che 'l lat indova che se faseven i esecuzion a l'è incoeu dedicaa al Ceser Beccaria, fautor de l'abolizion de la pena de mort.

Incoeu a l'è sed di Ghisa e de original gh'è domà l'ingress de Piazza Fontana e la cort interna, per el rest deriva tutt di ampliament che hinn staa faa dopo.

Bibliografia[Modifega | modifica 'l sorgent]

  • P. Mezzanotte, Milano nell'arte e nella storia: storia edilizia di Milano: guida sistematica della città, Bestetti, Milano 1948;
  • G. C. Bascapè, I palazzi della vecchia Milano: ambienti, scene, scorci di vita cittadina (1946, Milano), Cisalpino - La goliardica, Milano 1977;